بالی ووڈ کے سینیئر اداکار جیتندر آنجہانی زرین خان کی تعزیت کیلئے آتے ہوئے سیڑھیوں سے گرگئے۔
ممبئی میں آج صبح اداکار جیتندر اس وقت معمولی حادثے کا شکار ہوئے جب وہ زرین خان کی تعزیتی تقریب میں شرکت کے لیے پہنچے۔
جیتندر جیسے ہی تقریب میں داخل ہو رہے تھے، ان کا توازن بگڑ گیا اور وہ زمین پر گر پڑے۔ خوش قسمتی سے وہاں موجود افراد نے فوری طور پر انہیں سہارا دیا اور اٹھنے میں مدد کی۔
عینی شاہدین کا کہنا ہے کہ اداکار جلد ہی سنبھل گئے، تاہم واقعے کے بعد ان کے مداحوں نے سوشل میڈیا پر اپنی تشویش ظاہر کی۔
سوزین خان اور زید خان کی والدہ 81 برس کی عمر میں چل بسیں
بالی ووڈ اداکار ریتیک روشن کی سابقہ اہلیہ سوزین خان اور اداکار زید خان کی والدہ 81 برس کی عمر میں چل بسیں۔
خیال رہے کہ معروف اداکار و فلم ساز سنجے خان کی اہلیہ زرین خان 7 نومبر کو ممبئی میں طویل علالت کے بعد 81 سال کی عمر میں چل بسی تھیں۔
تعزیتی تقریب میں بالی ووڈ کی کئی شخصیات نے شرکت کی، جن میں رانی مکھرجی، ریتک روشن، صبا آزاد، علی گوئی، اور جیسمین بھاسن شامل تھیں۔
زرین خان کے سوگواروں میں شوہر سنجے خان اور بچے سوزین خان، سیمون اروڑا، فرح علی خان اور زید خان ہیں۔
Post time 2025-11-11 04:45:02
فوٹو: بھارتی میڈیا 
