پاکستانی شوبز انڈسٹری کی نامور اداکارہ مہوش حیات نے اپنی عمر اور کیریئر سے متعلق ایک دلچسپ وضاحت دیتے ہوئے کہا ہے کہ میں اتنی بڑی نہیں جتنی لوگ سمجھتے ہیں۔
مہوش حیات کا شمار پاکستان کی بڑی اداکاراؤں میں ہوتا ہے، وہ اپنے مضبوط کردار اور بےباک انداز کی وجہ سے بےحد مقبول ہیں، انہوں نے ٹی وی ڈراموں اور فلموں میں اداکاری کے جوہر دکھائے ہیں اور خوب داد سمیٹی، اداکارہ نے ہالی ووڈ میں بھی اپنی کارکردگی کا لوہا منوایا، مارول سیریز مس مارول میں بھی اپنی جاندار پرفارمنس سے دنیا بھر کے ناظرین کو متاثر کر چکی ہیں۔
اداکارہ نے انکشاف کرتے ہوئے کہا، ’میں نے صرف 8 سال کی عمر میں اشتہارات کے ذریعے شوبز کی دنیا میں قدم رکھا تھا، بعد ازاں ڈراموں اور فلموں کی صفِ اول کی اداکاراؤں میں شامل ہوگئی، میں گزشتہ 7 سال سے ٹی وی اسکرین سے دور تھی، تاہم حال ہی میں ڈرامہ ڈائن کے ذریعے شاندار واپسی کی ہے۔‘
انہوں نے ایک انٹرویو میں اپنے کریئر اور اسکرپٹ سے متعلق کھل کر اپنے خیالات کا اظہار کیا اور کہا، ’لوگ میرے کام کے عرصے کو حقیقت سے زیادہ سمجھتے ہیں۔‘
مہوش حیات کی ڈرامہ انڈسٹری میں گرینڈ واپسی
پاکستان شوبز انڈسٹری کی نامور اور خوبرو اداکارہ مہوش حیات ایک بار پھر ٹی وی اسکرینز پر جلوے بکھیریں گی۔
ایک انٹرویو میں مہوش حیات نے بتایا کہ لوگ سمجھتے ہیں کہ میں 20 سال سے کام کر رہی ہوں، لیکن حقیقت میں میرا کیریئر صرف 14 سے 15 سال پر محیط ہے۔
ان کا کہنا تھا کہ میری ابتدائی پرفارمنسز ناظرین کے ذہنوں میں گہرے نقش چھوڑ گئیں، اس لیے سب کو یہ گمان ہوتا ہے کہ میں بہت عرصے سے کام کر رہی ہیں۔
مہوش حیات کا مزید کہنا تھا کہ میں اب بھی نئے کرداروں اور مضبوط اسکرپٹس کے انتخاب میں محتاط ہوں اور چاہتی ہوں کہمیرے کام سے میری شناخت مزید نکھرے۔
Post time 2025-11-11 19:03:10
فائل فوٹو 
