|
|
وسطی بھارتی ریاست مدھیہ پردیش کے شہر بھوپال میں ایک نوجوان جوڑے نے اپنے پالتوں جانوروں میں کشیدگی کی وجہ طلاق کے لیے کیس فائل کردیا، کیونکہ ان کے پالتو جانور کتا اور بلی بار بار کوشش کے باوجود مل کر رہنے کو تیار نہیں تھے۔
بھوپال کی فیملی کورٹ کے ذرائع کے مطابق یہ جوڑا ابتدا میں جانوروں سے محبت کی بنیاد پر ایک دوسرے کے قریب آیا، دوستی ہوئی اور بعد میں شادی کر لی۔ لیکن بدقسمتی سے اب انکی پالتو جانوروں سے محبت شاید ان کے درمیان جدائی کا سبب بن جائے۔
دسمبر 2024 میں شادی کے بعد جب یہ جوڑا ایک ساتھ رہنے لگا تو حالات بگڑنے لگے۔ بیوی کا کہنا تھا کہ اس کے شوہر کا کتا اس کی بلی کو ہراساں کرتا ہے بلکہ کئی بار اس پر حملہ بھی کر چکا ہے۔
شوہر کا دعویٰ تھا کہ اس نے شادی سے پہلے ہی واضح کر دیا تھا کہ عورت اپنے پالتو جانور ساتھ نہیں لائے گی۔ اس نے مزید کہا کہ بلی اکثر ان کے فش ٹینک کے آس پاس منڈلاتی رہتی ہے، جس سے گھر کا ماحول کشیدہ ہو جاتا ہے۔
انھیں کئی بار کاؤنسلنگ کے لیے بھیجا گیا اور ان کے رشتہ داروں نے بھی ثالثی کی کوشش کی، لیکن دونوں اپنے اپنے پالتو جانوروں کا ساتھ دیتے رہے اور آخرکار یہ اختلافات طلاق کی وجہ بنی۔ |
|
Post time 2025-10-10 09:51:01