|
|
 — تصویر بشکریہ بنگلادیشی میڈیا
بنگلادش کی عدالت نے سابقہ وزیر اعظم شیخ حسینہ واجد کے خلاف مقدمے کا فیصلہ سنانا شروع کر دیا۔
غیر ملکی میڈیا رپورٹس کے مطابق بنگلادیش کی مقامی جنگی جرائم کی عدالت انٹرنیشنل کرائم ٹریبونل میں فیصلہ سنایا جارہا ہے۔
بنگلا دیش کی تاریخ میں پہلی بار انٹرنیشنل کرائمز ٹریبونل کی جانب سے کسی موجودہ حکومت کے سربراہ کے خلاف فیصلہ سنایا جا رہا ہے۔ فیصلہ سابقہ وزیراعظم شیخ حسینہ کی غیر حاضری میں سنایا جارہا ہے۔
جسٹس غلام مرتضیٰ موجمدار کی سربراہی میں انٹرنیشنل کرائمز ٹریبونل کے تین رکنی بینچ فیصلہ سنا رہا ہے۔ ٹربیونل کے دیگر 2 ارکان میں جسٹس شفیع العالم محمود اور جج محیط الحق انعام چوہدری شامل ہیں۔
میڈیا رپورٹس کے مطابق کیس کے دلائل 23 اکتوبر کو مکمل ہوئے تھے، چیف پراسیکیوٹر محمد تاج الاسلام اور اٹارنی جنرل محمد اسد الزماں نے استغاثہ کے اختتامی بیانات مکمل کئے تھے۔
بنگلا دیش کی سابقہ وزیر اعظم شیخ حسینہ حکومت خاتمے کے بعد سے بھارت میں موجود ہیں۔
سابقہ وزیراعظم پر انسانیت کے خلاف جرائم کا مقدمہ ہے، استغاثہ نے شیخ حسینہ کے لیے سزائے موت کی درخواست کر رکھی ہے۔
شیخ حسینہ کے خلاف عدالتی فیصلہ آنے پر بنگلادیش میں حالات خراب ہونے کے خطرے کے پیش نظر سیکیورٹی سخت کردی گئی ہے۔
شیخ حسین کی جماعت عوامی لیگ نے فیصلے کے خلاف ملک گیر احتجاج کی کال دے رکھی ہے۔
خیال رہے کہ شیخ حسینہ پر 2024 میں طلبہ تحریک کے خلاف کریک ڈاؤن کے احکامات دینے اور وسیع پیمانے پر ہلاکتوں کا الزام ہے۔
اقوامِ متحدہ کے مطابق مظاہروں کے دوران 1,400 افراد ہلاک ہوئے تھے۔ |
|
Post time 2025-11-17 18:03:03