|
|
اداکارہ روینہ ٹنڈن کی صاحبزادی راشا تھاڈانی تیلگو انڈسٹری میں ڈیبیو کرنے جارہی ہے۔
بھارتی میڈیا رپورٹ کے مطابق فلم آر ایس 100 کے ڈائریکٹر اجے بھوپتی اپنی نئی فلم کے ذریعے راشا تھاڈانی اور مہیش بابو کے بھتیجے جیا کرشنا کو متعارف کرا رہے ہیں۔
راشا اور جیا کرشنا کی یہ فلم حقیقی اور جذباتی پریم کہانی پر مبنی ہے، جس کےنام کا جلد ہی اعلان کیا جائے گا، اجے بھوپتی مہاسمدرم، منگلوارم اور آر ایس 100 جیسی فلم بناچکے ہیں۔
ڈائریکٹر کا فلمی کام نوجوانوں کے موضوعات اور گہری جذباتی کہانی کےلیے مشہور ہے، انہوں نے اپنے نئے پروجیکٹ کےلیے تلگو سنیما میں نئے چہرے متعارف کرانے کا فیصلہ کیا ہے۔
اجے بھوپتی نے سماجی رابطے کی ویب سائٹ پر جاری بیان میں بتایا کہ ایک شاندار کہانی کے ساتھ بڑی ذمے داری عائد ہوئی ہے، تلگو انڈسٹری خوبصورت اور باصلاحیت راشا تھاڈانی کو خوش آمدید کہے گی۔
جیا کرشنا مہیش بابو کے بڑے بھائی رمیش بابو کے بیٹے ہیں جبکہ راشا تھاڈانی نے کچھ عرصے قبل ہی ہندی فلم ’آزاد‘ کے ذریعے اپنے اداکاری کے سفر آغاز کیا ہے۔ |
|
Post time 2025-11-18 02:30:47