بنگلادیش ویمن کرکٹ ٹیم کا بھارت کا دورہ ملتوی ہوگیا۔
کرکٹ ویب سائٹ کے مطابق ترجمان بنگلادیش کرکٹ بورڈ （بی سی بی） نے ویمنز ٹیم کے دورہ بھارت کی ملتوی ہونے کی تصدیق کردی ہے۔
بنگلادیش کرکٹ بورڈ کے ترجمان کا کہنا ہے کہ بی سی سی آئی نے خط کے ذریعے ہمیں آگاہ کیا ہے، خط میں دورے کو ری شیڈول کرنے کا بتایا گیا ہے۔
سیاسی تناؤ کے باعث بھارتی کرکٹ ٹیم کا دورہ بنگلادیش ملتوی
بی سی بی اہلکار کا کہنا ہے کہ ابھی تک سیریز کی تاریخیں فکس نہیں کی گئیں۔
ترجمان بی سی بی کا کہنا ہے کہ دورے کو ملتوی کرنے کی کوئی ٹھوس وجہ نہیں بتائی گئی۔
واضح رہے کہ بنگلادیش ویمن ٹیم نے دسمبر میں 3 ون ڈے اور 3 ٹی ٹوئنٹی میچز کی سیریز کھیلنے کے لیے بھارت کا دورہ کرنا تھا۔
بنگلادیش اور بھارت ویمن ٹیموں کے درمیان سیریز آئی سی سی ایف ٹی پی کا حصہ ہے۔
بھارتی میڈیا کے مطابق بنگلادیش کا دورۂ بھارت ملتوی ہونے کی وجہ دونوں ممالک کے درمیان سیاسی تناؤ ہے۔
واضح رہے کہ بھارتی بورڈ نے اگست میں بھارتی مینز ٹیم کا دورۂ بنگلادیش بھی ملتوی کیا تھا۔ بھارتی ٹیم اب اگلے سال ستمبر میں بنگلادیش کا دورہ کرے گی۔
Post time 2025-11-18 20:42:33
فائل فوٹو 
