|
|
 فائل فوٹو
بھارت کی مشہور اداکارہ رشمیکا مندانا نے کہا ہے کہ وجے دیوراکونڈا نے میرے اس درد کا مداوا کیا جو کسی اور نے دیا تھا۔
اپنی فلم ’دی گرل فرینڈ‘ کی پروموشن کے دوران رشمیکا مندانا نے پہلی بار اپنے رشتوں پر بات کی اور بتایا کہ وہ ماضی میں ایک ایسے رشتے میں بھی رہ چکی ہیں، جہاں وہ بے اختیار تھیں۔
انہوں نے کہا کہ ہر شخص کو یہ اختیار ہونا چاہیے کہ وہ کس کے ساتھ رہنا چاہتا ہے، میں یہ غلطی کرچکی ہوں، ایسے رشتے میں تھی جہاں میری کوئی مرضی نہیں تھی۔
رشمیکا مندانا نے مزید کہا کہ آج میں وجے دیوراکونڈا کے ساتھ ہوں، جس نے میرے درد کا مداوا کیا، وہ درد جو ساتھی اداکار نے نہیں بلکہ کسی اور نے دیا تھا۔
اداکارہ نے اعتراف کیا کہ وجے دیوراکونڈا نہ صرف مجھے جذباتی سہارا دیتے ہیں، زیادہ سوچنے سے روکتے ہیں اور ساتھ ہی ٹرولنگ کے دباؤ سے بھی نکالتے ہیں۔
یہ بھی پڑھیے
- رشمیکا مندانا اور وجے دیوراکونڈا کی شادی کی تیاریاں
- رشمیکا اور وجے کی خفیہ منگنی کی بازگشت پھر تیز
- کسی ایک سپر اسٹار کے ساتھ کام کا موقع ملا تو وہ پربھاس ہوں گے، رشمیکا مندانا
اُن کا یہ بھی کہنا تھا کہ فلم دی گرل فرینڈ میں کام کرنا میرے لیے جذباتی صحت یابی کا ذریعہ بنا ہے، یہ کہانی میری زندگی کے تجربات سے جڑی ہوئی ہے۔
رشمیکا مندانا اور وجے دیوراکونڈا کے رشتے اور منگنی کی تصدیق اُن کی ٹیم کرچکی ہے جبکہ جوڑا اگلے سال فروری میں شادی کے بندھن میں بندھنے جارہا ہے۔
بھارتی میڈیا رپورٹ کے مطابق رشمیکا مندانا اس سے پہلے کنڑ اداکار رکشت شیٹی کے ساتھ منگنی کی، جو انہوں نے 2018ء میں توڑ دی تھی۔ |
|
Post time 2025-11-19 02:33:14