|
|
 تصویر سوشل میڈیا۔
ایمریٹس ائیر لائن 2026 کے اوائل میں مفت الٹرافاسٹ وائی فائی فراہم کرنے کیلئے بڑے پیمانے پر اپنے ہوائی بیڑے کو اپ گریڈ کر رہی ہے۔
برطانوی ذرائع ابلاغ کی ایک رپورٹ کے مطابق ابتدائی طور پر رواں ماہ انتہائی تیز ترین اسٹار لنک وائی فائی کیساتھ جہازوں کو اپ ڈیٹ کرنے کا آغاز کیا جا رہا ہے، ممکنہ طور پر 23 نومبر سے تقریباً 40 ہزار فٹ کی بلندی پر ایک کلک کے ساتھ فضائی مسافر اسٹریم، ویڈیو کال، گیم، آن لائن کام اور سوشل میڈیا تک رسائی حاصل کرنے کے قابل ہوں گے، یہ سہولت بالکل مفت مہیا کی جائے گی۔
اسٹارلنک انٹرنیٹ سے لیس 232 بوئنگ 777 طیاروں میں سے پہلا طیارہ ہو گا جو رواں ماہ کے آخر میں کمرشل سروس میں داخل ہونے والا ہے، جس میں ہر ماہ 14 طیاروں پر سسٹم منسلک کیے جانیکا امکان ہے۔
یہ امر قابل ذکر ہے کہ فوربس ٹریول گائیڈ 2024/25 میں ایمریٹس ایئرلائن کو دنیا کی بہترین بین الاقوامی ائیرلائن میں شامل کیا گیا ہے۔ |
|
Post time 2025-11-19 04:30:32