|
|
 کولاج فوٹو: فائل
پاکستانی شوبز انڈسٹری سے وابستہ عالمی شہرت یافتہ اداکار و گلوکار فواد خان نے پہلے ویب سیریز برزخ، پھر پاک بھارت کشیدگی کے دوران بھارتی فلم عبیر گلال کا ریلیز ہونا اور اس پر فواد کی خاموشی اور اب پاکستان آئیڈل کے ججز پینل میں اپنی شمولیت پر ہونے والی تنقید پر بلآخر اپنا ردعمل ظاہر کر دیا۔
انہوں نے حالیہ انٹرویو میں رواں سال کو تنقیدوں کا سال قرار دیتے ہوئے کہا کہ تنقید برائے اصلاح ہونی چاہیے، تنقید میں یہ نہیں ہونا چاہیے کہ آپ کسی پر کیچڑ اُچھال رہے ہوں۔
حال ہی میں اداکار و گلوکار نے نجی ٹی وی چینل کے پروگرام میں بطور مہمان شرکت کی، جہاں وہ اپنی آنے والی فلم ’نیلوفر‘ کی تشہیر کے لیے موجود تھے۔
یہ بھی پڑھیے
- ایسے فنکار جج بن کر بٹھ جاتے ہیں جن کا موسیقی سے تعلق ہی نہیں، حمیرا ارشد کی فواد خان پر تنقید
- فواد خان اوور ریٹڈ، فہد مصطفیٰ اداکار نہیں: ببرک شاہ
- مشی خان فواد خان سے ناراض کیوں؟
اس موقع پر انہوں نے مختلف امور پر اپنے خیالات کا اظہار کیا اور میزبان کے ساتھ ساتھ پروگرام میں موجود شرکا کے سوالوں کا بھی جواب دے دیا۔
دوران شو شرکاء کے سوال کا جواب دیتے ہوئے اداکار و گلوکار نے کہا کہ آپ تنقید کرنا چاہیں تو کر سکتے ہیں، مجھے کوئی مسئلہ نہیں ہے۔ آپ کی رائے ہوسکتی ہے، ہر کسی کو اپنی رائے رکھنے کا حق حاصل ہے۔ آپ تنقید بھی کرسکتے ہیں اگر تنقید برائے اصلاح ہو تو اس میں کوئی مسئلہ نہیں ہے۔
فواد خان نے مزید کہا کہ 2025 کا سال بیک ٹو بیک تنقید کا تھا، اس سال مجھ پر کوئی مثبت تنقید نہیں آئی، اب تنقید پر ردعمل اس لیے نہیں دیتا کیونکہ اس کا کوئی فائدہ نہیں ہے، صرف شور مچنا ہے، کوئی کام کی بات سامنے نہیں آئے گی۔ میری خواہش ہے کہ ہم آپس میں لڑنا بند کر دیں۔
ان کا یہ بھی کہنا تھا کہ ایسا زیادہ تر لوگ نہیں کرتے لیکن پھر بھی تنقید اپنی جگہ لیکن ایک دوسرے پر کیچڑ اچھالنا بند کر دینا چاہیے، جو تنقید کرتے ہیں وہ اپنی جگہ درست ہیں، ایسا دنیا بھر میں ہوتا ہے، یہ صرف پاکستان میں نہیں ہے، لوگ اختلاف کرسکتے ہیں۔ |
|
Post time 2025-11-19 15:33:07