|
|
— فائل فوٹو
وزیر اعظم شہباز شریف کی جانب سے ٹرائی نیشن سیریز میں شریک ٹیموں کے اعزاز میں ظہرانہ کا اہتمام کیا گیا۔
پاکستان، سری لنکا اور زمبابوے کی ٹیموں نے وزیراعظم ہاؤس میں منعقدہ ظہرانے میں شرکت کی۔
وزیراعظم کا کہنا ہے کہ پاکستان، سری لنکا اور زمبابوے کی ٹیموں کی ٹرائی نیشن سیریز قابل ستائش ہے، تمام کھلاڑی اپنے اپنے ملک کی بہترین نمائندگی کر رہے ہیں۔
انہوں نے کہا کہ اسپورٹس مین اسپرٹ اور باہمی احترام کی ایسی مثال قائم کریں جو نوجوان نسل کے لیے مشعل راہ ہو۔
ان کا کہنا ہے کہ چئیرمین پی سی بی کی سربراہی میں سیریز کے تمام میچز کے بہترین انتظامات ہیں۔ مؤثر حکمتِ عملی اور اعلیٰ پیشہ ورانہ مہارت کے ساتھ تمام میچز منعقد کر رہے ہیں۔
شہباز شریف کا کہنا ہے کہ بین الاقوامی کرکٹ کا مسلسل انعقاد ملک کے مثبت تشخص اور امن و استحکام کا ثبوت ہے۔ ٹرائی نیشن سیریز سے کرکٹ کے شائقین کو اعلیٰ درجے کا کھیل دیکھنے کو ملے گا۔
انہوں نے امید ظاہر کرتے ہوئے کہا کہ تینوں ممالک میں کرکٹ کے ذریعے دوستی اور باہمی تعاون مزید مضبوط ہوگا۔ پاکستان آئندہ بھی دنیا بھر کی ٹیموں کی اسی طرح میزبانی کرتا رہے گا۔
وزیر اعظم ہاؤس میں منعقد ظہرانے میں وزیر اعلیٰ سندھ مراد علی شاہ، وزیر داخلہ و چیئرمین پی سی بی محسن نقوی، وفاقی وزرا عطا اللّٰہ تارڑ اور حنیف عباسی نے شرکت کی، جبکہ سری لنکا اور زمبابوے کے ہائی کمشنرز بھی ظہرانے میں شریک ہوئے۔ |
|
Post time 2025-11-19 21:24:22