بھارتی ریاست مہاراشٹر میں زبان کے جھگڑے پر تشدد کا نشانہ بننے والے طالب علم نے خودکشی کرلی۔
بھارتی میڈیا کے مطابق مہاراشٹر کے ضلع تھانے میں ایک کالج طالب علم نے مبینہ طور پر شدید ذہنی دباؤ کے باعث خودکشی کرلی۔
پولیس کے مطابق یہ دباؤ اس واقعے کے بعد پیدا ہوا جس میں کچھ افراد نے ہندی او میراٹھی زبان کے جھگڑے پر اسے بے رحمی سے تشدد کا نشانہ بنایا تھا۔
بھارت: اساتذہ کے رویے سے تنگ طالب علم کی خودکشی، اہم انکشافات سامنے آگئے
واقعہ منگل کی دوپہر پیش آیا جب 16 سالہ شوریہ اسکول سے سیدھا راجندر پیلس میٹرو اسٹیشن گیا اور اونچے پلیٹ فارم سے کود گیا۔
طالب علم کی شناخت ارنَو کھیرے کے طور پر ہوئی ہے، جو تھانے کے علاقے کلیان ایسٹ کا رہائشی تھا اور روزانہ ٹرین کے ذریعے ملنڈ واقع اپنے کالج جایا کرتا تھا۔
طالب علم کے والد جیتندر کھیرے نے پولیس کو بتایا کہ ایک روز معمول کے سفر کے دوران ٹرین میں ہندی بمقابلہ مراٹھی زبان کے مسئلے پر بحث چھڑ گئی۔ بحث نے تنازع کی صورت اختیار کی جس کے بعد کم از کم پانچ افراد نے ان کے بیٹے کو شدید تشدد کا نشانہ بنایا۔
والد کے مطابق اس واقعے نے ارنَو کو گہرے ذہنی صدمے میں مبتلا کردیا، جس کے باعث اس نے خودکشی کرلی۔
پولیس نے مقدمہ درج کرکے تفتیش شروع کردی ہے جبکہ حملہ کرنے والے ملزمان کی تلاش جاری ہے۔
Post time 2025-11-21 02:33:06
فوٹو: بھارتی میڈیا 
