تیجس کی تباہی سے بھارتی دفاعی ساز و سامان کی صلاحیتوں پر سوالات اٹھ گئے، ماہرین

slotcosino · Post time 2025-11-22 00:06:15

فوٹو: بھارتی میڈیا

ماہرین کا کہنا ہے کہ بھارتی لڑاکا طیارے تیجس کی تباہی نے بھارت کے دفاعی ساز و سامان کی صلاحیتوں پر سوالات اٹھا دیے، تیجس کی پرواز سے قبل کی تصویروں میں لیکیج اور ساختی کمزوری واضح تھی۔

ماہرین کا کہنا ہے کہ دبئی ایئر شو میں بھارت کا مقامی طور پر تیار کردہ تیجس طیارہ نقائص کے باعث گر کر تباہ ہوا، تیجس طیارے کی تیاری کے دوران پیداواری اور مینوفیکچرنگ کوالٹی پر سوالات اٹھائے گئے۔

میڈیا رپورٹ کے مطابق بدلتی اسپیسفکیشنز، ٹیکنالوجی گیپ اور غیر واضح ڈیزائن نے تیجس کے ترقیاتی پروگرام کو روکے رکھا، تیجس طیارے کی تیاری کے دوران پینل مس الائنمنٹ، لیکیج اور وائبریشن جیسے مسائل بارہا رپورٹ ہوئے۔

گر کر تباہ ہونے والے طیارے تیجس سے متعلق بھارتی دعوے

تیجس کی صلاحیتوں سے متعلق بھارت نے دعویٰ کیا ہے کہ تیجس بھارت کا پہلا گھریلو ساختہ سنگل انجن، ملٹی رول لائٹ کومبیٹ ایئرکرافٹ ہے، جو ہندوستان ایرو ناٹکس لمیٹڈ ） اور ایئرو ناٹیکل ڈوپلپمنٹ ایجنسی （اے ڈی اے） نے مشترکہ طور پر تیار کیا۔

تیجس طیارے میں تھرسٹ، اسمارٹ لوڈ اور حرارتی دباؤ کے مسائل سامنے آئے، تیجس طیارے میں دیسی انجن ناکام، جی ای انجن ایئر فریم کے مطابق نہیں تھے۔

خیال رہے کہ بھارتی فضائیہ کا تیجس لڑاکا طیارہ آج دبئی ایئر شو میں پرواز کے مظاہرے کے دوران گر کر تباہ ہوا، جس کے نتیجے میں پائلٹ ہلاک ہو گیا۔

سوشل میڈیا پر وائرل ویڈیوز میں دیکھا گیا کہ طیارہ فضا میں توازن کھونے کے بعد نیچے آیا اور دیکھتے ہی دیکھتے آگ کے گولے میں تبدیل ہوگیا۔

اس سے قبل مارچ 2024 میں بھی ایک تیجس طیارہ راجستھان کے جیسلمیر میں تربیتی پرواز کے دوران گر کر تباہ ہوا تھا۔

		Remember me	Forgot password?
Password			立即注册

تیجس کی تباہی سے بھارتی دفاعی ساز و سامان کی صلاحیتوں پر سوالات اٹھ گئے، ماہرین

Related threads