پنجاب بھر کے کمرشل مراکز، شاپنگ مالز، پلازوں اور دفاتر میں 5 رنگوں کے ویسٹ بِن لازمی قرار دے دیے۔
ڈی جی ماحولیات عمران حامد شیخ کا کہنا ہے کہ ویسٹ بِن نہ رکھنے والے تمام مراکز کے خلاف سخت کارروائی کی جائے گی۔
ان کا کہنا ہے کہ پیپر، گلاس، آرگینک، میٹل اور پلاسٹک کے لیے الگ الگ ویسٹ بِن لازمی رکھے جائیں۔
وزیراعلیٰ پنجاب کا صوبے میں کچرا ٹھکانے لگانے کا جدید منصوبہ
وزیر اعلیٰ مریم نواز نے پنجاب میں کچرا ٹھکانے لگانے کا جدید منصوبے کی منظوری دے دی۔
ڈی جی ماحولیات نے کہا کہ ویسٹ بِن کی خلاف ورزی کرنے والے اداروں کے خلاف ماحولیاتی ایکٹ کے تحت کارروائی ہوگی۔ فوری طور پر تمام تجارتی مقامات اور تعلیمی اداروں میں نمایاں مقامات پر ویسٹ بِن لگانے کا حکم جاری کر دیا گیا ہے۔
ان کا کہنا تھا کہ پیلا ویسٹ بِن کاغذی کچرا، سبز ویسٹ بن شیشے کے کچرے اور سرخ ویسٹ بِن دھاتی کچرے کے لیے استعمال ہوگا۔
انہوں نے بتایا کہ سرمئی ویسٹ بِن آرگینک و بائیوڈیگریڈیبل ویسٹ اور اورنج ویسٹ بِن پلاسٹک ویسٹ کے لیے استعمال ہوگا۔
Post time 
علامتی فوٹو 
