آسٹریلیا اور انگلینڈ کے درمیان جاری ایشیز سیریز کے دو روز میں ختم ہونے والے پرتھ ٹیسٹ میچ کی پچ کو کلین چٹ مل گئی۔
ایشیز سیریز کی تاریخ میں پرتھ ٹیسٹ سب سے جلد ختم ہونے والا ٹیسٹ تھا، جس میں میچ کے پہلے روز 19 وکٹیں گری تھیں۔
کرکٹ آسٹریلیا کے مطابق پرتھ اسٹیڈیم کی پچ کو باضابطہ طور پر آئی سی سی نے ’ویری گڈ‘ قرار دیا ہے۔ آئی سی سی کی 4 درجے کی پچ ریٹنگ میں ویری گڈ ہائی رینکنگ ہے۔
ایشیز سیریز: پرتھ ٹیسٹ 2 دن میں ختم، آسٹریلیا 8 وکٹوں سے کامیاب
پہلے ٹیسٹ میچ میں آسٹریلیا نے انگلینڈ کو 8 وکٹوں سے شکست دے دی۔ میزبان ٹیم نے 205 رنز کا ہدف 2 وکٹوں کے نقصان پر حاصل کر لیا۔
پرتھ ٹیسٹ میں میچل اسٹارک نے 10 وکٹیں حاصل کی تھیں، انگلینڈ کی ٹیم پہلے روز 172 رنز پر آؤٹ ہوئی تو کھیل کے اختتام پر آسٹریلیا کے بھی 9 وکٹوں پر 121 رنز تھے۔
پہلے ٹیسٹ میچ کے دوسرے روز 13 وکٹیں گریں، انگلینڈ کی ٹیم 164 رنز پر آؤٹ ہوئی تھی جبکہ آسٹریلیا کے ٹریوس ہیڈ کے جارحانہ 123 رنز کی بدولت میزبان ٹیم نے 8 وکٹوں سے ٹیسٹ جیتا تھا۔
واضح رہے کہ پرتھ ٹیسٹ میچ میں صرف 847 گیندیں ہی پھینکی گئی تھیں۔
Post time 
فوٹو بشکریہ کرک انفر 
