|
|
 فوٹو بشکریہ سوشل میڈیا
دبئی ورلڈ ٹریڈ سینٹر میں منعقدہ بگ 5 گلوبل نمائش 2025ء میں پہلی بار پاکستانی تعمیراتی کمپنیوں نے بھی شرکت کی ہے۔
دبئی میں پاکستان کے قونصل جنرل حسین محمد نے دبئی ورلڈ ٹریڈ سینٹر میں پاکستانی پویلین کا افتتاح کیا۔
دبئی ورلڈ ٹریڈ سینٹر میں بگ 5 گلوبل 2025ء کی نمائش میں پاکستانی پویلین کا سفر کامیابی سے جاری ہے۔ ’مقتدرہ ترقی تجارت پاکستان‘ کے زیرِ انتظام پہلی مرتبہ 9 پاکستانی کمپنیوں نے نمائش میں شرکت کی ہے۔
دبئی میں جاری ’بگ 5 گلوبل‘ نمائش میں مختلف ممالک سے 85 ہزار سے زائد شرکاء اور 2800 نمائش کنندگان شریک ہوئے ہیں۔
پاکستانی کمپنیوں کی جانب سے جدید بلڈنگ اور کنسٹرکشن ٹیکنالوجی کی نمائش اور اعلیٰ کوالٹی کی تعمیراتی مصنوعات پیش کی گئی ہیں۔
یہ ایونٹ بین الاقوامی کمپنیوں کو خطے کے سب سے بڑے تعمیراتی، شہری ترقی کے تجارتی پلیٹ فارم تک رسائی فراہم کرتا ہے۔
پاکستانی کمپنیوں کی شرکت سے خلیجی ممالک میں رئیل اسٹیٹ اور انفراسٹرکچر مارکیٹ میں پاکستانی صعنت کو فروغ ملے گا۔ |
|
Post time