وزیراعظم آزاد کشمیر راجہ فیصل ممتاز راٹھور کا کہنا ہے کہ اللّٰہ کا شکر ہے کہ ہم آزاد فضاؤں میں سانس لے رہے ہیں۔ یہاں کھڑے ہو کر یہ احساس ہوتا ہے کہ آزادی کا مطلب کیا ہے۔
نیلم ایل او سی چلہانہ میں میڈیا سے گفتگو کرتے ہوئے انہوں نے کہا کہ افواج پاکستان وطن عزیز کے تحفظ کے لیے قربانیاں دے رہی ہیں۔ مقبوضہ کشمیر کے لوگوں کو جدوجہد آزادی کے لیے قربانیوں پر خراج تحسین پیش کرتا ہوں۔
فیصل ممتاز راٹھور کا کہنا ہے کہ مقبوضہ کشمیر بھارتی فوجی چھاؤنی میں تبدیل ہو چکا ہے، بھارت کی 7 لاکھ سے زائد فوج مقبوضہ کشمیر میں جبر کے پہاڑ توڑ رہی ہے۔
میرے اثاثے جو آج ہیں وہ وزرات عظمیٰ کے بعد بھی دیکھ لیجیے گا، فیصل ممتاز راٹھور
نو منتخب وزیراعظم آزاد کشمیر راجہ فیصل ممتاز...
انہوں نے کہا کہ پاکستانی فوج نے ہمیشہ بھارتی فوج کو جارحیت کرنے پر لوہے کے چنے چبوائے۔
ان کا کہنا تھا کہ بھارت کو جارحیت کرنے پر پاک فوج سے ہمیشہ شکست فاش ہوئی، دنیا کے لیے پیغام ہے جعلی آزادی کا دیکھاوا کرنا بھارت کی چال ہے۔
Post time 
—فائل فوٹو 
