|
|
 مختلف کردار نبھانا پسند ہیں، چاہتی ہوں کہ اپنے ہر دوسرے پروجیکٹ میں مختلف اور نیا کردار ادا کروں، رمشاہ خان — فائل فوٹو
پاکستانی شوبز انڈسٹری سے وابستہ معروف اداکارہ رمشاہ خان کا کہنا ہے کہ میں بالی ووڈ یا ہالی ووڈ میں کام کرنے سے پہلے اپنے ملک میں زیادہ اور بہتر کام کرنا چاہوں گی، یہاں رہ کر اپنا دائرہ وسیع کرنا چاہتی ہوں۔
حال ہی میں اداکارہ نے بھارتی میڈیا کو انٹرویو دیا ہے جہاں انہوں نے اپنے فنی کیریئر کے حوالے سے کھل کر بات چیت کی۔
دورانِ انٹرویو رمشاہ خان سے ان کے حالیہ آئی ٹم نمبر سے متعلق سوال پوچھا گیا، جس پر انہوں نے کہا کہ ہمارے ملک میں بھی تبدیلی آ رہی ہے اب فلمیں بننے لگی ہیں لیکن اب بھی کئی لوگ ایسے ہیں جو یہ سمجھتے ہیں کہ ہمارے ڈرامے جیسے ہیں ویسی رہنے چاہیے، جبکہ مجھے لگتا ہے کہ ایک اداکار کا کام ہے کہ کسی بھی کردار میں ڈھل جائے اور لوگوں کو اسے قبول کرنا چاہیے۔
اداکارہ نے کہا کہ مجھے مختلف کردار نبھانا پسند ہیں، چاہتی ہوں کہ اپنے ہر دوسرے پروجیکٹ میں مختلف اور نیا کردار ادا کروں۔ میں اپنا دائرہ وسیع کرنے کی کوشش کر رہی ہوں، فلموں میں کام کرنے کا تجربہ نیا ہے، اب کوشش ہے کہ اسی طرف آگے بڑھوں، حال ہی میں ایورڈ شو کی میزبانی کی یہ ایک نیا اور الگ تجربہ تھا جسے کرکے مجھے مزاح آیا۔
رمشاہ خان نے کہا کہ میں اس بات پر یقین رکھتی ہوں کہ فن کی کوئی سرحد نہیں ہوتی، لیکن ابھی مجھے اپنے ملک میں کام کرنا ہے، اگر کوئی اچھا پروجیکٹ ملا تو صرف بالی ووڈ میں ہی نہیں ہالی ووڈ میں بھی کام کرنا چاہتی ہوں لیکن اس سے پہلے اپنے ملک میں ہی مختلف تجربے حاصل کرنا چاہتی ہوں۔ |
|
Post time