بالی ووڈ اداکارہ کاجول والدین اور بچوں کے درمیان بحث کی اہمیت کی قائل ہیں اور اسے قابل تعریف سمجھتی ہیں۔
بھارتی میڈیا رپورٹ کے مطابق تقریب میں پوچھے گئے سوال پر 51 سالہ کاجول نے کہا کہ والدین اور بچوں کے درمیان ہونے والی بحث رشتے کو کمزور نہیں بلکہ مضبوط بناتی ہے۔
انہوں نے مزید کہا کہ شکر ہے اس وقت میری بیٹی یہاں موجود نہیں، وہ اس سوال پر بھی مجھ سے بحث کرتی، سچ بات تو یہ ہے والدین اور بچوں کے درمیان بحث ہونا بہت ضروری ہے۔
کاجول نے راموجی فلم سٹی سے متعلق بیان پر یوٹرن لے لیا
بھارتی اداکارہ کاجول نے راموجی فلم سٹی کو فیملیز اور بچوں کےلیے مکمل طور محفوظ قرار دیا ہے۔
کاجول نے کہا کہ جب بچے والدین سے دلیل کے ساتھ اختلاف کرتے ہیں تو یہ اس بات کی علامت ہے کہ انہیں خود سے سوچنے کی آزادی اور اعتماد ملا ہے۔
اداکارہ اس عمل کو والدین کی تربیت کی کامیابی اور قابل تعریف اقدام سمجھتی ہیں، میں خود بچپن میں اپنی والدہ تنوجا سے بہت زیادہ بحث کرتی تھیں۔
اُن کا کہنا تھا کہ بچوں کی دلیل دینے کی عادت اس بات کا ثبوت ہے کہ وہ خود سے معاملات سے متعلق سوچنے کی صلاحیت اختیار کر رہے ہیں۔
کاجول اور اجے دیوگن کی شادی کو 26 سال ہوچکے ہیں، اُن کے 2 بچے 22 سالہ نائیسا اور 15 سالہ یوگ ہیں، وہ آج کل اپنے ٹاک شو ’ٹو مچ‘ کےلیے شہرت رکھتی ہیں، انہیں آخری بار رواں برس جون میں ریلیز ہونے والی فلم ماں میں دیکھا گیا تھا۔
Post time 
