بالی ووڈ کے سب سے مشہور خاندانوں میں سے ایک دیول خاندان میں ممکنہ طور پر جلد ایک نئے رکن کی شمولیت متوقع ہے۔
رپورٹس کے مطابق دیپیکا پڈوکون کی بہن، انیشا پڈوکون آنے والے مہینوں میں بزنس مین روہن آچاریہ سے شادی کے بندھن میں بندھنے کی تیاری کر رہی ہیں۔
میڈیا رپورٹ کے مطابق یہ رشتہ روہن آچاریہ کی بہن، دریشا آچاریہ کے ذریعے طے پاپا ہے، جو سنی دیول کے بڑے بیٹے کرن دیول کی اہلیہ ہیں۔
انیشا اور روہن کی ملاقات کو دیپیکا پڈوکون کے شوہر اور معروف بالی ووڈ ادکار رنویر سنگھ نے ممکن بنایا۔ رنویر دونوں خاندانوں کے بہت قریب ہیں اور وہ دھرمیندر کے ساتھ ان کی ہٹ فلم ’راکی اور رانی کی پریم کہانی‘ میں بھی نظر آئے تھے، جس میں عالیہ بھٹ بھی شامل تھیں۔
بھارتی میڈیا کی رپورٹ میں بتایا گیا ہے کہ رنویر کے والدین اور انیشا کے والد سُمیت آچاریہ بہت قریبی دوست ہیں۔ انیشا اور روہن کی کئی محفلوں میں ملاقات ہوئی اور وہ ایک دوسرے کو فطری طور پر پسند کر بیٹھے۔
سنی دیول نے گھر کے باہر موجود فوٹوگرافر کو گالی دے دی
اداکار نے سخت لہجے میں میڈیا نمائندوں کو تنبیہ کی کہ وہ ایسے نازک وقت میں ان کے خاندان کی پرائیویسی کا احترام کریں۔
اطلاعات کے مطابق روہن آچاریہ دبئی میں مقیم ایک کاروباری شخصیت ہیں، جو اپنے والد سُمیت آچاریہ کے ساتھ مل کر خاندانی ٹریول بزنس چلاتے ہیں۔
ان کی والدہ چیمو آچاریہ ایک معروف کمپنی میں مارکیٹنگ ہیڈ رہ چکی ہیں، اس کے بعد 2002 میں انہوں نے اپنا ایونٹس بزنس شروع کیا، جس کا پہلا ایونٹ بالی ووڈ سپر اسٹار عامر خان کے کنسرٹ کے ساتھ لانچ کیا گیا تھا۔
انیشا، دیپیکا پڈوکون کی چھوٹی بہن ہیں جو اپنے والدین بیڈمنٹن لیجنڈ پرکاش پڈوکون اور اُجالا پڈوکون کے ساتھ بنگلورو میں رہتی ہیں۔
اپنی کھیلوں کی کامیابیوں سے آگے بڑھ کر وہ ایک فاؤنڈیشن کی چیف ایگزیکٹو آفیسر بھی ہیں، جو ذہنی صحت کا ایک ادارہ ہے جسے 2015 میں دِیپیکا نے قائم کیا تھا۔
Post time 
فوٹو: بھارتی میڈیا 
