پاکستان کے سپر اسٹار فواد خان نے اپنے سپر ہٹ ڈرامے ہمسفر کے اپنے یادگار کردار اشعر حسین کے بارے میں دلچسپ رائے دی ہے۔
فواد خان ناصرف اداکار بلکہ گلوکار بھی رہ چکے ہیں، اس وقت اپنی فلم نیلوفر کی پروموشن میں مصروف ہیں، جس میں ان کے ساتھ ماہرہ خان بھی مرکزی کردار میں ہیں۔
ہمسفر میں اشعر حسین کے کردار نے فواد خان کو جدید پاکستانی ٹیلی ویژن کے سب سے بڑے رومانوی ہیرو کے طور پر مشہور کیا۔
اشعر اور خرد کی کیمسٹری نے ناظرین کے دل جیت لیے اور یہ جوڑی آج بھی مداحوں کی پسندیدہ جوڑی ہے۔
فواد خان سوشل میڈیا سے دور کیوں رہتے ہیں؟
عالمی شہرت یافتہ پاکستانی اداکار و گلوکار فواد خان نے سوشل میڈیا سے دور رہنے کی وجہ بتا دی۔
فواد خان نے حال ہی میں کہا کہ اگر اشعر حسین آج ٹی وی پر ہوتے تو جین زی ضرور انہیں کینسل کر دیتی۔
انہوں نے مزاحیہ انداز میں بتایا کہ اشعر کا کردار اتنا ٹاکسک تھا کہ آج کے دور کے ناظرین انہیں پسند نہ کرتے۔
انہوں نے وضاحت کی کہ اشعر حسین ایک ایسا کردار تھا جو اُس وقت ناظرین کے لیے دلکش تھا، مگر آج کے دور میں اس کے رویے کو ناپسند کیا جا سکتا ہے۔
Post time 2025-11-30 18:42:00
