|
|
—تصویر بشکریہ لاہور قلندر فیس بک
چیئرمین پرائم منسٹر یوتھ پروگرام رانا مشہود نے کہا ہے کہ نیشنل لیگ 4 دسمبر سے شروع ہو گی، جس میں ٹیلنٹ ایکشن میں ہو گا۔
لاہور قلندرز کے سی ای او عاطف رانا کے ہمراہ پریس کانفرنس کے دوران رانا مشہود نے کہا کہ 4 دسمبر سے اسلام آباد میں نیشنل لیگ منعقد ہونے جا رہی ہے۔
انہوں نے کہا کہ پورے پاکستان سے اچھا ٹیلنٹ نکل کر سامنے آیا ہے، جس پر لاہور قلندرز انتظامیہ کے شکر گزار ہیں۔
چیئرمین پرائم منسٹر یوتھ پروگرام نے کہا کہ پرائم منسٹر کے وژن کے مطابق کام کیا گیا ہے، لاہور قلندرز کے ساتھ اس لیے کام کیا کہ انہوں نے پلیئر ڈیولپمنٹ پروگرام میں شفافیت دکھائی۔
اس موقع پر عاطف رانا نے کہا کہ نوجوانوں کو پلیٹ فارم فراہم کرنا ہمارا بنیادی مشن ہے، یہ نوجوان مستقبل میں پاکستان اور قلندرز کی نمائندگی کریں گے۔
انہوں نے کہا کہ ہم نے پی ایم یوتھ پروگرام کو شاندار کامیابی کے ساتھ آگے بڑھایا، وزیرِ اعظم شہباز شریف کے وژن اور سپورٹ پر خصوصی شکر گزار ہیں۔
لاہور قلندرز کے سی ای او نے کہا کہ چیئرمین یوتھ افیئرز رانا مشہود کے اعتماد اور بھرپور تعاون پر شکریہ ادا کرتے ہیں، لاکھوں کھلاڑیوں کی شرکت نے ملک میں ٹیلنٹ کی بے پناہ گہرائی دکھا دی۔
اُن کا کہنا ہے کہ ہر شہر، ہر علاقے تک پہنچ کر نوجوانوں کو حقیقی مواقع فراہم کیے، نوجوانوں کی ترقی اور پلیٹ فارم فراہم کرنا ہمارا بنیادی مشن ہے۔
عاطف رانا نے کہا کہ یہ نوجوان مستقبل میں پاکستان اور قلندرز کی نمائندگی کریں گے، بڑھتی ویلیو کے ساتھ ہماری ذمے داریاں بھی مزید بڑھ چکی ہیں۔
انہوں نے کہا کہ لاہور قلندرز انڈیپنڈنٹ ویلیوایشن کے مطابق سب سے زیادہ قیمت والی ٹیم بن گئی، نمبر ون پی ایس ایل فرنچائز ہونے کی کئی وجوہات ہیں، ان میں صرف مالی نہیں بلکہ کھلاڑیوں کی ترقی اور مواقع فراہم کرنے کا کام بھی ہے۔ |
|
Post time 2025-12-1 01:11:58