|
|
عالمی شہرت یافتہ شہنائی نواز استاد عبداللّٰہ خان—’جیو نیوز‘ گریب
صدارتی ایوارڈ یافتہ اور برصغیر میں شہنائی کے فن سے عالمی شہرت رکھنے والے نامور فنکار استاد عبداللّٰہ 72 برس کی عمر میں کوثری شہر میں انتقال کر گئے۔
وہ طویل عرصے سے پھیپھڑوں اور دمے کے عارضے میں مبتلا تھے۔
استاد عبداللّٰہ خان نے کئی دہائیوں تک شہنائی کے فن سے اپنی الگ پہچان بنائے رکھی۔
پاکستان، بھارت اور بنگلا دیش بھر میں ان کے فن کو غیر معمولی پزیرائی حاصل رہی۔
عالمی شہرت یافتہ شہنائی نواز نے متعدد قومی و بین الاقوامی ثقافتی میلوں میں شہنائی کا فن پیش کیا، انہیں 23 مارچ 2012ء کو صدارتی ایوارڈ تمغۂ حسنِ کارکردگی سے نوازا گیا تھا۔
انہوں نے سندھی موسیقی کو نیا رنگ دینے اور شہنائی کے فروغ میں بھی نمایاں کردار ادا کیا۔
استاد عبداللّٰہ خان نے اپنے کلاسیکل فن کو نئی نسل تک بھی منتقل کیا۔
فن و ثقافت سے وابستہ حلقوں نے استاد عبداللّٰہ کے انتقال پر گہرے دکھ کا اظہار کیا ہے۔
مرحوم استاد عبداللّٰہ کے سوگواران میں ایک بیٹا اور بیوہ شامل ہیں۔ |
|
Post time 2025-12-1 03:09:05