|
|
 تصاویر: سوشل میڈیا
سینئر اداکارہ صبا فیصل کی ایک نئی ویڈیو سوشل میڈیا پر وائرل ہو گئی ہے جس میں وہ ایک ایستھیٹک کلینک میں اسکن ٹریٹمنٹ کرواتی نظر آ رہی ہیں۔
صبا فیصل اپنی خوبصورتی، فٹنس اور خود کو بہترین انداز میں برقرار رکھنے کے لیے جانی جاتی ہیں، اکثر اپنی زندگی کے لمحات مداحوں کے ساتھ شیئر کرتی رہتی ہیں۔
وائرل ہونے والی ویڈیو میں دکھایا گیا ہے کہ اداکارہ مبینہ طور پر پی آر پی اسکن ٹریٹمنٹ اور فیشل کروا رہی ہیں، جس کے دوران وہ ہمیشہ کی طرح اپنی جلد کو شفاف، تر و تازہ اور دلکش رکھنے پر توجہ مرکوز کیے دکھائی دیتی ہیں، تاہم یہ ویڈیو صارفین کی جانب سے شدید ردِعمل کا باعث بن گئی ہے۔
کئی سوشل میڈیا صارفین نے ویڈیو دیکھ کر حیرت کا اظہار کیا کہ صبا فیصل تکلیف دہ دکھائی دینے والے پروسیجرز اس عمر میں بھی جاری رکھے ہوئے ہیں۔
ایک صارف نے لکھا کہ اُف، یہ دیکھ کر ہی درد محسوس ہو رہا ہے، میں تو ان سب کے بغیر ہی خوبصورت ہوں، ایک اور نے کہا کہ استغفراللہ خود کو اتنی تکلیف کیوں دینا؟ جبکہ ایک صارف کا کہنا تھا کہ یہ اس عمر میں بھی ایسے پروسیجرز کروا رہی ہیں؟ |
|
Post time 2025-12-3 16:54:03