|
|
وفاقی وزیر قانون اعظم نذیر تارڑ کا کہنا ہے کہ نظام چلانے کیلئے ہمیں آئین کے فریم ورک کی ضرورت ہے۔
اعظم نذیر تارڑ اور وزیر اطلاعات عطاء اللّٰہ تارڑ اسلام آباد میں پریس کانفرنس کررہے ہیں۔
ایک سوال کے جواب میں انہوں نے کہا کہ بےفکر رہیں، اصل نوٹیفکیشن جلد آئے گا۔
وزیر قانون نے کہا کہ اڈیالہ جیل کا انتظام صوبائی حکومت کے پاس ہے، جیل حکام اپنے قواعد و ضوابط کی سختی سے عملداری کرتے ہیں، جیل رول 265 کہتا ہے کہ ہفتے میں ایک ملاقات کروائی جاسکتی ہے، جیل مینوئل کے مطابق ملاقات رولز کے مطابق ہوتی ہے۔
اعظم نذیر تارڑ نے کہا کہ رول 265 کہتا ہے کہ ایک خط لکھ سکتے ہیں یا ایک ملاقات ہوسکتی ہے، ملاقات میں سیاسی باتیں نہیں ہوسکتیں۔
انہوں نے مزید کہا کہ رول 265 قدغن لگاتا ہے کہ ملاقات میں جو بات ہوگی اُسے پبلک نہیں کیا جائے گا، رول کے مطابق ملاقات میں چھ سے زیادہ لوگ نہیں ہوں گے۔
وزیر قانون نے کہا کہ رول 548 کے مطابق کسی بھی قیدی کو اجازت نہیں کہ سپرنٹنڈنٹ جیل کی موجودگی کے بغیر ملاقات کرے، سپروائزنگ افسر اگر سمجھے کہ یہ پبلک آرڈر کے خلاف ہے تو وہ اُسے روک سکتا ہے۔ |
|
Post time 2025-12-5 00:06:16