چیف آف ڈیفنس فورسز کا بہت ہی اہمیت کا حامل ادارہ بننے جا رہا ہے: رانا ثناء اللّٰہ

slotcosino · Post time 2025-12-5 00:06:17

رانا ثناء اللّٰہ—فائل فوٹو

وزیرِ اعظم شہباز شریف کے مشیر برائےسیاسی امور سینیٹر رانا ثناء اللّٰہ کا کہنا ہے کہ چیف آف ڈیفنس فورسز （سی ڈی ایف） کا حساس اور قومی سیکیورٹی کے حوالے سے بہت ہی اہمیت کا حامل ادارہ بننے جا رہا ہے۔

پارلیمنٹ ہاؤس میں جیو نیوز سے گفتگو کرتے ہوئے انہوں نے کہا کہ چیف آف ڈیفنس فورسز کےعہدے کے لیے قانون تبدیل کیا گیا، سی ڈی ایف کے لیے ریگولیشنز اور رولز فریم ہونے ہیں۔

رانا ثناء اللّٰہ نے بتایا کہ سی ڈی ایف کے رولز کے لیے بہت زیادہ احتیاط درکار ہے، اس کے نوٹیفکیشن میں تاخیر سے متعلق قیاس آرائیوں میں صداقت نہیں، سی ڈی ایف کے نوٹیفکیشن کو کسی چیز سے جوڑنا مناسب نہیں۔

ان کا کہنا ہے کہ سوشل میڈیا پر بیرونِ ملک سے پاکستان مخالف مواد پھیلانے والے افراد کی فہرست میں اضافہ ہو گا، قومی سلامتی سے متعلق بیرونِ ملک سے پروپیگنڈا کرنے کی اجازت نہیں دیں گے۔

علی امین گنڈاپور کو کیوں ہٹایا گیا؟ رانا ثناء نے بتا دیا

وزیرِ اعظم شہباز شریف کے مشیر برائے سیاسی امور سینیٹر رانا ثناء اللّٰہ کا کہنا ہے کہ علی امین گنڈاپور نے کچھ چیزیں کرنے سے انکار کیا اس لیے ان کو ہٹا کر سہیل آفریدی کو لایا گیا۔

رانا ثناء اللّٰہ نے کہا کہ بیرونِ ملک سیکیورٹی اداروں سے متعلق نفرت انگیز مواد روکنا حکومت کی ذمے داری ہے، قومی سلامتی سے متعلق پروپیگنڈا کرنے کی کوئی بھی قانون اجازت نہیں دیتا۔

انہوں نے کہا کہ سہیل آفریدی اگر نیشنل سیکیورٹی کے راستے میں حائل ہوئے تو ان کا سیاسی مستقبل تاریک ہو گا، انہوں نے دہشت گردی کے آپریشن میں رکاوٹیں ڈالیں اور دہشت گردوں کی سہولت کاری کی تو ان کا کوئی مستقبل نہیں۔

رانا ثناء اللّٰہ کا کہنا ہے کہ اگر سہیل آفریدی تقریروں کی حد تک سیاست کرتے ہیں تو اس کی اجازت ہونی چاہیے، سابق وزیرِ اعظم کے پروٹوکول کے مطابق بی کلاس اور سہولتیں بانیٔ پی ٹی آئی کا حق ہیں۔

ان کا کہنا ہے کہ ہم ایسے کوئی اقدامات نہیں کریں گے جس سے سابق وزیرِ اعظم کی عزت میں کمی ہو، نواز شریف کو قید کے وقت اس وقت کی حکومت نے قانون کے مطابق سہولت نہیں دی تھی۔

وزیرِ اعظم کے مشیر برائےسیاسی امور نے کہا کہ سہیل آفریدی بانیٔ پی ٹی آئی کے ساتھ ملاقات کی حد تک رہیں تو ملاقات سے نہیں روکنا چاہیے، بانیٔ پی ٹی آئی سے ملاقات احتجاج، حکومت کے خلاف تحریک، دہشت گردی کی سہولت کاری کے بارے میں ہے تو ملاقات نہیں ہونی چاہیے۔

انہوں نے کہا کہ ہماری معلومات کے مطابق فیض حمید سے متعلق فیصلہ اسی ماہ دسمبر میں آ جائے گا، فیض حمید کی سزا سے متعلق کوئی پیشگوئی نہیں کرنی چاہیے۔

		Remember me	Forgot password?
Password			立即注册

چیف آف ڈیفنس فورسز کا بہت ہی اہمیت کا حامل ادارہ بننے جا رہا ہے: رانا ثناء اللّٰہ

Related threads