بیٹے میری شہرت سے لا علم تھے، پاپارازیوں کو فوٹو لیتے دیکھ کر حیران رہ جاتے: مادھوری ڈکشٹ

slotcosino · Post time 2025-12-5 03:21:12

بالی ووڈ اداکارہ مادھوری ڈکشٹ اپنے شوہر ڈاکٹر شری رام نینے، بیٹوں آرین اور ریان کے ہمراہ—تصویر بشکریہ بھارتی میڈیا

بالی ووڈ پر ایک لمبا عرصہ راج کرنے والی اداکارہ مادھوری ڈکشٹ نے اپنی ذاتی زندگی کا ایک دلچسپ باب کھولا ہے، جب ان کے بیٹوں کو پہلی بار احساس ہوا کہ ان کی والدہ انڈسٹری کی ایک سپر اسٹار ہیں۔

اداکارہ نے انکشاف کیا کہ چونکہ میرے بیٹے آریان اور ریان امریکا میں پلے بڑھے، وہ بھارت منتقل ہونے تک میری شہرت سے مکمل طور پر بے خبر تھے۔

بھارتی میڈیا کے مطابق نئی پوڈکاسٹ میں رنویر الہٰ بادیہ کے ساتھ گفتگو کرتے ہوئے مادھوری نے بتایا کہ میرے بیٹوں کو میرے کام یا مشہور شخصیت ہونے کے بارے میں کچھ معلوم نہیں تھا، جب تک وہ بھارت واپس نہیں آ گئے۔

مادھوری ڈکشٹ نے وہ لمحہ بیان کیا جب ان کے بیٹوں نے پہلی بار ان کی شہرت کا سامنا کیا اور بتایا کہ ایک دن ہم سب مل کر فلم دیکھنے گئے اور جب ہم تھیٹر سے باہر نکلے تو پاپارازیوں نے تصویریں لینے کا سلسلہ شروع کر دیا، میرے بیٹے بہت حیران ہو کر مجھ سے پوچھنے لگے کہ ماما یہ سب کیا ہے؟

بیٹوں کو اداکار بننے کی ضرورت نہیں، والد کی طرح یو ٹیوبر بھی بن سکتے ہیں، مادھوری ڈکشٹ

بالی ووڈ کی سینیئر اداکارہ مادھوری ڈکشٹ کا کہنا ہے کہ انکے بیٹوں کو اداکار بننے کی ضرورت نہیں وہ اپنے والد ڈاکٹر سری رام نینے کی طرح یو ٹیوبر بھی بن سکتے ہیں، انھوں نے مزید کہا کہ انکے شوہر حیرت انگیز ہیں۔

مادھوری نے بتایا کہ انہیں سمجھانا پڑا کہ میں ایک اداکارہ ہوں، اس کے بعد آہستہ آہستہ اسکول کے دوستوں کے ذریعے انہیں اپنی والدہ کی آئیکونک حیثیت کا اندازہ ہونے لگا۔

اداکارہ نے بتایا کہ میرے بچے کارٹونز اور سپر ہیرو فلمیں دیکھتے تھے اور پہلے انہیں ہندی نہیں آتی تھی، اب جب انہوں نے ہندی بولنا شروع کی ہے، تو وہ میری پرانی فلمیں دیکھ رہے ہیں، جب میرے بڑے بیٹے نے پہلی بار فلم ’دل تو پاگل ہے‘ دیکھی تو اسے یہ بہت پسند آئی اور اس نے مجھ سے پوچھا کہ میں نے یہ فلم اسے پہلے کیوں نہیں دکھائی تھی۔

واضح رہے کہ مادھوری ڈکشٹ اور ڈاکٹر شری رام نینے نے 1999ء میں شادی کی تھی اور وہ ایک دہائی سے زیادہ عرصے تک امریکا میں مقیم رہے۔

وہ 2011ء میں ممبئی واپس آئے تاکہ ان کے بچے ہندوستانی ثقافت سے جڑ سکیں اور مادھوری اپنا کام دوبارہ شروع کر سکیں۔

		Remember me	Forgot password?
Password			立即注册

بیٹے میری شہرت سے لا علم تھے، پاپارازیوں کو فوٹو لیتے دیکھ کر حیران رہ جاتے: مادھوری ڈکشٹ

Related threads