معروف اینکر اور اداکار توثیق حیدر کے عمرے کے دوران نظر آنے والے ٹیٹوز نے نئی بحث چھیڑ دی۔
وہ باوقار، جدید سوچ رکھنے والے اور شستہ گفتگو کرنے والے فنکار کے طور پر جانے جاتے ہیں، اداکار ان دنوں عمرے کی ادائیگی کے لیے مکہ مکرمہ میں موجود ہیں۔
توثیق حیدر نے عمرے کی ادائیگی کے بعد حرم میں کھڑے ہو کر ایک خاص پیغام شیئر کیا، تاہم لوگوں کی توجہ اس جانب مبذول ہوئی کہ ان کے جسم پر بنے ٹیٹو احرام میں سے نظر آئے۔
اس ویڈیو کے بعد انہیں شدید تنقید کا سامنا کرنا پڑا اور یہ بحث شروع ہوگئی کہ عمرے کے دوران ٹیٹوز رکھنا درست ہے یا نہیں؟
توثیق حیدر نے شادیوں کو لے کر معاشرے کے دوہرے میعار کو اُجاگر کردیا
پاکستانی ڈرامہ انڈسٹری کے نامور اور سینئر میزبان و اداکار توثیق حیدر غیر شادی شدہ مرد و خواتین کے ساتھ معاشرے کے منافقانہ سلوک پر بول پڑے۔
اداکار کی انسٹاگرام ویڈیو سامنے آنے کے بعد انٹرنیٹ دو حصوں میں تقسیم ہوگیا۔ ایک صارف نے لکھا کہ میں آپ کا پی ٹی وی کے زمانے سے فین ہوں لیکن آپ کو ٹیٹوز نہیں بنوانے چاہیے تھے، ایک اور نے کہا کہ استغفراللّٰہ، آپ سے یہ توقع نہیں تھی۔
دوسری جانب کچھ لوگوں نے ان کا دفاع بھی کیا، ایک صارف نے کہا کہ جو لوگ ان کے ٹیٹوز کے بارے میں پریشان ہیں، انہیں یاد رکھنا چاہیے کہ یہ معاملہ اللّٰہ اور ان کے درمیان ہے۔
ایک اور نے مشورہ دیا کہ لوگوں کو جج کرنا بند کرو، اللّٰہ بہتر جانتا ہے۔
Post time 2025-12-7 19:42:06
