بھارتی ویمن کرکٹ ٹیم کی اسٹار اوپنر سمرتی مندھانا اور مشہور گلوکار پالاش مچل کی شادی باقاعدہ طور پر منسوخ کر دی گئی۔
ہفتوں سے جاری قیاس آرائیوں کے بعد مندھانا نے 7 دسمبر کو انسٹاگرام پر ایک مختصر بیان جاری کرتے ہوئے تصدیق کی کہ دونوں خاندانوں نے باہمی رضامندی سے شادی ختم کرنے کا فیصلہ کر لیا ہے۔
سمرتی مندھانا نے کہا کہ وہ اپنی نجی زندگی کو ہمیشہ نجی رکھنا چاہتی ہیں، لیکن مسلسل افواہوں کے باعث وضاحت ضروری ہو گئی تھی۔
ہمیں نظر لگ گئی، بھارتی خاتون کھلاڑی کا شادی ملتوی ہونے پر افسوس
بھارتی ویمن کرکٹ ٹیم کی اسٹار اوپنر سمرتی...
انہوں نے کہا کہ مجھے یہ واضح کرنا ہے کہ شادی منسوخ کی جا چکی ہے، میں چاہتی ہوں کہ یہ معاملہ یہیں ختم ہو اور آپ سب اسے وہیں چھوڑ دیں، دونوں خاندانوں کی پرائیویسی کا احترام کیا جائے۔
سمرتی مندھانا نے اپنے کرکٹ کیریئر کو اپنی پہلی ترجیح قرار دیتے ہوئے کہا کہ بھارت کی نمائندگی کے لیے پوری توجہ دوبارہ کھیل پر مرکوز کروں گی۔
ذرائع کے مطابق ان کی شادی 23 نومبر 2025ء کو سانگلی میں ہونا تھی، لیکن اس دن مندھانا کے والد کی اچانک طبیعت خرابی اور بعد ازاں پالاش مچل کی شدید ذہنی دباؤ کے باعث اسپتال منتقلی پر تقریب فوری طور پر ملتوی کر دی گئی۔
بعد میں دونوں خاندانوں نے حالات کے پیشِ نظر شادی ختم کرنے کا متفقہ فیصلہ کیا۔
اس دوران سوشل میڈیا پر افواہیں گردش کرتی رہیں جن میں پالاش مچل پر بے بنیاد الزامات بھی لگائے گئے، مچل کے خاندان نے ان الزامات کی سختی سے تردید کی۔
سمرتی کے بیان کے بعد پالاش مچل نے بھی ایک علیحدہ پیغام جاری کرتے ہوئے کہا کہ اس رشتے میں احترام کے ساتھ آگے بڑھ رہے ہیں۔
بھارتی ٹیم کی اسٹار کھلاڑی کو اسٹیڈیم میں شادی کی پیشکش
یہ جوڑا اتوار 23 نومبر کو شادی کے بندھن میں بندھنے والا ہے۔ بھارتی وزیراعظم نریندر مودی نے بھی گزشتہ روز دونوں کو مبارکباد کا پیغام بھیجا۔
انہوں نے بے بنیاد افواہیں پھیلانے والوں کے خلاف قانونی کارروائی کا اعلان بھی کیا۔
ادھر مداحوں نے نوٹ کیا ہے کہ سمرتی نے انسٹاگرام پر پالاش کو ان فالو کر دیا ہے، جب کہ پالاش اب بھی انہیں فالو کر رہے ہیں، سمرتی کے حالیہ اشتہاری ویڈیو میں اُن کی منگنی کی انگوٹھی غائب تھی، جس کے بعد بریک اپ کی خبریں تیز ہو گئی تھیں۔
سمرتی مندھانا اب آئندہ ویمنز پریمیئر لیگ کے لیے رائل چیلنجرز بنگلور کی قیادت کریں گی، جس کا آغاز 9 جنوری سے نوی ممبئی میں ہو گا۔
Post time 2025-12-7 22:18:01
