بالی ووڈ کی معروف اداکارہ کاجول نے آنجہانی اداکار دھرمیندر کی موت کے بعد ان کی پہلی سالگرہ پر یاد کرتے ہوئے جذباتی پیغام شیئر کیا ہے۔
لیجنڈری اداکار دھرمیندر 89 برس کی عمر میں 24 نومبر کو انتقال کر گئے تھے، جس کے بعد فلم انڈسٹری کی متعدد شخصیات نے ان کی موت کو ایک دور کا اختتام قرار دیتے ہوئے تعزیت کا اظہار کیا تھا۔
ہمارے بچپن میں ہر لڑکا دھرمیندر جیسا بننا چاہتا تھا، اکشے کمار
بالی ووڈ کے سینیئر اداکار دھرمیندر کی موت پر فلم انڈسٹری اور شوبزنس فنکاروں نے گہرے دکھ کا اظہار کیا ہے۔
تاہم موت کے بعد آج ان کی پہلی سالگرہ پر بھی بھارتی شوبزنس کے ستارے دھرمیندر کو یاد کررہے ہیں۔
اداکارہ کاجول نے بھی دھرمیندر کو یاد کرتے ہوئے ان کے ساتھ اپنی ایک یادگار تصویر سوشل میڈیا پر شیئر کی ہے، اپنے پیغام میں کاجول نے کہا کہ آج کے دن دھرمیندر جی بہت یاد آرہے ہیں۔
بالی ووڈ کی فلم اسٹار کاجول نے دھرمیندر کو یاد کرتے ہوئے مزید کہا کہ آپ ہمیشہ ہمارے دلوں میں زندہ رہیں گے۔
سوشل میڈیا صارفین کی جانب سے کاجول کے پیغام کو خوب پسند کیا جارہا ہے اور تصویر پر مختلف تبصروں کا سلسلہ بھی جاری ہے۔
ایسا لگ رہا ہے دوسری بار اپنے والد کو کھو دیا، کپل شرما
کپل شرما نے دھرمیندر سے متعلق لکھا کہ جو محبت اور دعائیں آپ نے مجھے دیں، وہ ہمیشہ میرے دل اور یادوں میں زندہ رہیں گی۔
اس سے قبل معروف بھارتی اداکارہ و سیاستدان ہیما مالنی نے بھی اپنے آنجہانی شوہر و اداکار دھرمیندر کی موت کے بعد ان کی پہلی سالگرہ پر ایک جذباتی پیغام شیئر کیا۔
ہیما مالنی نے سوشل میڈیا ویب سائٹ ایکس پر دھرمیندر کے ساتھ گزرے کچھ یادگار لمحات کی تصاویر شیئر کیں۔
آپ جیسا بڑا دل کسی کا نہیں تھا، دھرمیندر جی ہمیشہ یاد آئیں گے، شلپا شیٹی
شلپا شیٹھی نے کہا کہ آپ کی صلاحیت، آپ کا وقار، آپ کی خوبصورتی، یہ سب تو بس شروعات تھی، اصل جادو آپ کی عاجزی، سادگی اور مہربانی میں تھا، جو ہمیشہ دلوں کو چھو جاتی تھی۔
اُنہوں نے کیپشن میں لکھا ’سالگرہ مبارک ہو میرے پیارے دل‘۔
اداکارہ نے مزید لکھا کہ دو ہفتے سے زیادہ کا عرصہ گزر چکا ہے جب آپ نے مجھے دل شکستہ چھوڑا، میں آہستہ آہستہ ٹکڑوں کو اکٹھا کرتے ہوئے اور زندگی کو از سر نو بنانے کی کوشش کرتے ہوئے، یہ جانتے ہوئے کہ آپ ہمیشہ میرے ساتھ میری روح میں رہیں گے، آگے بڑھنے کی کوشش کر رہی ہوں۔
Post time 2025-12-9 02:54:16
فوٹو: ایکس / کاجول 
