|
|
 ---فائل فوٹو
اسٹیٹ بینک آف پاکستان نے سال 2025ء کی ورکرز ترسیلات سے متعلق رپورٹ جاری کر دی۔
اسٹیٹ بینک کے مطابق نومبر 2025ء کی ورکرز ترسیلات 3.18 ارب ڈالر رہیں۔نومبر میں ترسیلات اکتوبر سے 7 فیصد کم رہیں، نومبر 2024ء سے رواں مالی سال نومبر کی ترسیلات 9 فیصد زائد ہیں۔
اسٹیٹ بینک کے مطابق نومبر 2025ء میں سعودی عرب سے 75.3 اور متحدہ عرب امارات سے 67.5 کروڑ ڈالر بھیجے گئے۔
رواں مالی سال کے ابتدائی 5 ماہ کی ترسیلات زر 16.14 ارب ڈالر رہیں۔ جولائی سے نومبر تک کی ترسیلات گئے مالی سال سے 9 فیصد زائد ہیں۔
پانچ ماہ میں سعودی عرب سے 3.9 ارب ڈالر، عرب امارات سے 3.36 ارب ڈالر جبکہ برطانیہ سے 2.34 ارب ڈالر بھیجے گئے۔
اسٹیٹ بینک کے مطابق پانچ ماہ میں امریکی ترسیلات زر 1.38 کروڑ ڈالر رہیں۔ |
|
Post time 2025-12-9 18:30:12