|
|
 تصاویر:بھارتی میڈیا
بھارتی ریاست مہاراشٹرا کی قانون ساز اسمبلی کے اجلاس میں ایک غیر معمولی منظر دیکھنے کو ملا جب جونر کے رکن اسمبلی شرد سوناونے نے چیتے کا لباس پہن کر اسمبلی میں شرکت کی۔
شرد سوناونے نے یہ اقدام مہاراشٹرا میں بڑھتے ہوئے چیتے کے حملوں کی طرف توجہ دلانے کے لیے کیا، شیو سینا کے رکن اسمبلی نے کہا کہ میں پچھلے دس سال سے اس بحران پر آواز بلند کر رہا ہوں۔
انہوں نے کہا کہ ریاست میں چیتے کے حملوں کے لیے ہنگامی صورتحال کا اعلان ہونا چاہیے، میں 2014 سے یہ مسئلہ اٹھا رہا ہوں، مگر حکومت نے نظر انداز کیا، ریسکیو سینٹر قائم کیے جائیں اور چیتوں کو وہاں منتقل کیا جائے۔
سوناونے نے مزید کہا کہ ہمارے حلقے میں پچھلے تین ماہ میں 55 افراد چیتے کے حملوں میں ہلاک ہو چکے ہیں، میں نے یہ معاملہ پہلے بھی کئی اجلاسوں میں حکومت کو بتایا تھا۔ |
|
Post time 2025-12-11 20:33:39