بالی ووڈ کی معروف اداکارہ عالیہ بھٹ کو سعودی عرب کے شہر جدہ میں منعقد ہونے والے ریڈ سی انٹرنیشنل فلم فیسٹیول کے 5ویں ایڈیشن میں گولڈن گلوبز ایوارڈ سے نوازا گیا۔
ریڈ سی فلم فیسٹیول میں عالیہ بھٹ کے ساتھ تیونس کی اداکارہ ہینڈ صابری کو بھی گالا ڈنر میں اعزاز سے نوازا گیا۔
اس موقع پر عالیہ بھٹ نے فلموں کے ذریعے طاقتور اور مستحق خواتین کی مزید کہانیاں سنانے کے لیے اپنے عزم کا اظہار کیا۔
اُنہوں نے کہا کہ گولڈن گلوبز عالمی ایوارڈز کی کائنات کا ایک اہم حصہ ہیں اور مجھے یہ ایوارڈ حاصل کرنے پر خوشی ہے، میں اسی طرح طاقتور اور مستحق خواتین کی مزید کہانیاں سنانے کے لیے اپنے کیریئر کو جاری رکھنے کی منتظر ہوں۔
عالیہ بھٹ کا اسٹائل کاپی کرنے پر عائزہ خان تنقید کا شکار
پاکستانی شوبز انڈسٹری کی معروف اداکارہ عائزہ خان صرف اپنی شاندار اداکاری ہی نہیں بلکہ زبردست اسٹائل کی وجہ سے بھی مشہور ہیں۔
بھارتی اداکارہ نے ریڈ سی فلم فیسٹیول کے دوران ماں بننے کے بعد نجی زندگی اور فلمی کیریئر میں آنے والی تبدیلی پر بھی روشنی ڈالی۔
اُنہوں نے بتایا کہ اب راہا کا فوٹو گرافرز کے ساتھ اپنا ایک منفرد رشتہ بن گیا ہے اور وہ اب اتنی بڑی ہوگئی ہے کہ مجھ سے پوچھتی ہے کہ میں کہاں جا رہی ہوں؟ کب تک گھر واپس آؤں گی۔
اُنہوں نے اپنے ماضی کا حال سے موازنہ کرتے ہوئے کہا کہ میری موجودہ زندگی زیادہ خوبصورت اورمصروف ہے جو نئی ذمہ داریاں اور تجربات سے بنی ہے۔
Post time 2025-12-12 17:21:13
