پاکستانی شوبز انڈسٹری میں اپنی جگہ بناتے، ابھرتے ہوئے اداکار خاقان شاہنواز اور اداکارہ سبینہ سید اپنی شادی کی تاریخ کا اعلان کب کر رہے ہیں بتا دیا۔
حال ہی میں اس نوجوان جوڑی نے بذریعہ سوشل میڈیا اپنی منگنی کا اعلان کیا اور فوٹوز اینڈ ویڈیوز شیئرنگ پلیٹ فارم انسٹاگرام پر اپنی منگنی کی خوبصورت تصاویر بھی شیئر کی۔
انسٹا پوسٹ میں شیئر کی گئی تصاویر میں دونوں اداکاروں کو روایتی پنجابی لباس میں ملبوس کھیت میں بیٹھے دیکھا گیا۔ تاہم اب انڈسٹری کی اس نئی جوڑی کو منگنی کے بعد پہلی بار ایک ساتھ دیکھا گیا۔
کراچی میں منعقد ہونے والے 24ویں لکس اسٹائل ایوارڈ شو میں یہ جوڑی ہاتھوں میں ہاتھ ڈالے، میچنگ سیاہ لباس میں ملبوس دکھائی دی۔
اس موقع پر جب ان سے سوال پوچھا گیا کہ سب جاننا چاہتے ہیں کہ شادی کب ہے؟ تو خاقان شاہنواز نے بتایا کہ ہم اپنی شادی کی تاریخ کا اعلان جلد کریں گے۔
سبینہ سید اور خاقان شاہنواز نے منگنی کرلی
سبینہ سید اور خاقان شاہنواز نے انسٹاگرام پر ایک خوبصورت کولیبرشن پوسٹ کے ذریعے اپنی منگنی کا اعلان کیا۔
واضح رہے کہ اداکارہ سبینہ سید نے اپنے فنی کیریئر کا آغاز 2017 میں ڈرامہ سیریل یقین کا سفر سے کیا تھا جبکہ خاقان شاہنواز نے 2023 میں اداکاری کے میدان میں قدم رکھا۔
سبینہ سید متعدد ڈراموں اور فلموں میں اداکاری کے جوہر دیکھا چکی ہیں۔ دوسری جانب خاقان شاہنواز نے نجی ٹی وی کے مقبول ڈرامے یوں ہی سے شہرت حاصل کی، جس کے بعد انہوں نے کئی پروجیکٹس میں کام کیا۔
دونوں اداکار اس سے قبل ایک برانڈ کی سوشل میڈیا مہم میں بھی ایک ساتھ نظر آ چکے ہیں جبکہ وہ کُبرا خان اور گوہر رشید کی شادی میں بھی ایک ساتھ دیکھے گئے تھے۔
Post time 2025-12-13 15:27:20
— تصاویر بشکریہ سوشل میڈیا 
