|
|
 فائل فوٹوز
سندھ کے گورنر کامران ٹیسوری نے کہا ہے کہ کھیلوں کے میدان آباد ہوں گے تو نوجوان منفی رجحانات سے دور رہیں گے۔ کھیل نوجوانوں کو مثبت سمت، نظم وضبط اور کردار سازی میں بھی اہم کردار ادا کرتے ہیں۔
کامران ٹیسوری سے قومی کرکٹ ٹیم کے سابق کپتان معین خان کی ملاقات ہوئی۔
ملاقات میں سندھ میں کرکٹ اکیڈمیز کے قیام اور ٹیلنٹ ہنٹ پروگرامز پر تفصیلی گفتگو اور سندھ میں گراس روٹ لیول پر کرکٹ سرگرمیوں کے فروغ پر اتفاق کیا گیا۔
دونوں شخصیات نے نوجوان کھلاڑیوں کی تربیت، پیشہ ورانہ کوچنگ اور اسپورٹس انفرااسٹرکچر کے فروغ پر زور دیا۔
اس موقع پر کامران ٹیسوری کا کہنا تھا کہ باصلاحیت نوجوانوں کو آگے بڑھنے کے مواقع فراہم کرنا حکومت کی ترجیح ہے۔ |
|
Post time 2025-12-13 19:21:25