|
|
آسٹریلیا کے شہر سڈنی کے ساحل پر فائرنگ واقعے کے ایک حملہ آور کو پکڑنے والے شہری کی شناخت سامنے آئی ہے۔
آسٹریلوی میڈیا رپورٹ کے مطابق سڈنی کے بونڈی بیچ پر 2 افراد نے شہریوں پر فائرنگ کی ، واقعے میں 12 افراد ہلاک اور 30 زخمی ہوئے ہیں۔
آسٹریلوی پولیس نے واقعے کو دہشت گردی قرا ر دیا اور بتایا کہ ہلاک ہونے والوں میں ایک حملہ آور بھی شامل ہےجبکہ دوسرے حملہ آور کو حراست میں لیا گیا ہے۔
آسٹریلوی میڈیا کے مطابق ایک حملہ آور کو وہاں موجود ایک شہری نے اپنی جان پر کھیل کر بہادری سے پکڑا اور اس کا اسلحہ چھین کر متعدد لوگوں کی جانیں بچائیں۔
آسٹریلوی میڈیا کا کہنا ہےکہ اس بہادر شہری کی شناخت 43 سالہ احمد ال احمد کے نام سے ہوئی ہے، یہ مسلمان سڈنی میں دکان پر پھل فروخت کرتا ہے اور 2 بچوں کا والد ہے۔
رپورٹ کے مطابق حملہ آور پر قابو پانےکی کوشش میں خود احمد کو بھی بازو پر 2 گولیاں لگیں، وہ اسپتال میں زیر علاج ہیں ،اب اس کی حالت خطرے سے باہر بتائی جارہی ہے۔
سوشل میڈیا پر بھی اس واقعے کی ویڈیوز تیزی سے وائرل ہو رہی ہیں جس میں احمد کو حملہ آور پر قابو پاتے دیکھا جاسکتا ہے۔
صارفین کی جانب سے احمد کی بہادری کی داد دی جارہی ہے اور آسٹریلوی میڈیا میں انہیں ہیرو قرار دیا جارہا ہے۔ |
|
Post time 2025-12-15 01:54:19