امریکی وزیر خارجہ مارکو روبیو نے کہا ہے کہ امریکا یہودی تہوار پر سڈنی میں فائرنگ کے واقعے کی مذمت کرتا ہے۔
انہوں نے سڈنی کے آئیکونک بونڈی بیچ کے قریب فائرنگ کے واقعے کے بعد جاری بیان میں اسکی سخت مذمت کی۔
آسٹریلیا: سڈنی میں یہودیوں کے تہوار کی تقریب پر حملہ، 12 ہلاک ، واقعہ دہشت گردی قرار
فائرنگ سے 2 پولیس اہلکاروں سمیت 29 افراد زخمی ہوئے ہیں، جوابی کارروائی میں فائرنگ کرنے والا ایک شخص مارا گیا، فائرنگ کرنے والا دوسرا شخص زخمی اور حراست میں ہے۔
اتوار کو اپنے سوشل میڈیا ہینڈل ایکس （سابق ٹوئٹر） پر امریکی وزیر خارجہ مارکو روبیو نے کہا کہ ہم آسٹریلیا میں دہشت گردی پر مبنی اس حملے کی سخت مذمت کرتے ہیں، جس میں ایک یہودی تہوار کی تقریب کو ہدف بنایا گیا۔
انہوں نے زور دیتے ہوئے کہا کہ دنیا میں اینٹی سامٹ ازم کے لیے کوئی جگہ نہیں۔
مارکو روبیو نے کہا کہ ہماری دعائیں اس خوفناک حملے کا شکار بننے والوں، یہودی کمیونٹی اور آسٹریلوی عوام کے ساتھ ہیں۔
Post time 2025-12-15 01:54:20
امریکی وزیر خارجہ مارکو روبیو（فائل فوٹو）۔ 
