بانی پی ٹی آئی کی بہن علیمہ خان نے کہا ہے کہ منگل کا دن اڈیالہ میں ہماری ملاقات کا دن ہوتا ہے، کل ہماری ملاقات کا دن ہے، ہم جائیں گے اور وہاں بیٹھیں گے۔
راولپنڈی میں انسداد دہشت گردی عدالت کے باہر میڈیا سے گفتگو میں انہوں نے کہا کہ جو جو بانی کی رہائی چاہتا ہے وہی ہماری ٹیم کا حصہ ہے، بانی پی ٹی آئی کی ٹیم ہی ہماری ٹیم ہے۔
26 نومبر احتجاج کیس، علیمہ خان کے ضمانتی مچلکے ضبط کرنے کے احکامات جاری
عدالت نے علیمہ خان کے قابل ضمانت وارنٹ اور ضمانت منسوخی کے نوٹس بھی جاری کر دیے
انہوں نے کہا کہ بانی پی ٹی آئی کو قید تنہائی میں رکھا گیا ہے، ہماری ملاقات نہیں کرواتے اور پانی پھینک دیتے ہیں، گزشتہ ہفتے ہمارے اوپر واٹر کینن کا استعمال کیا گیا۔
علیمہ خان نے مزید کہا کہ علیمہ خان گروپ اور بشریٰ بی بی گروپ محض پروپیگنڈا ہے، شیر افضل مروت کو سنجیدہ لینے والوں پر حیرانی ہے۔
بانی پی ٹی آئی کی بہن نے مزید کہا کہ عدالتوں میں جھوٹے گواہان پیش کیے جاتے ہیں، یہ کچھ بھی کرلیں ہم اپنے مقصد سے پیچھے نہیں ہٹیں گے۔
Post time 2025-12-15 21:24:49
فائل فوٹو 
