|
|
وزیر خزانہ محمد اورنگزیب—فائل فوٹو
وزیرِ خزانہ محمد اورنگزیب کی زیرِ صدارت کابینہ کی ایس او ایز کمیٹی کا اجلاس ہوا۔
اجلاس میں کمیٹی نے مختلف سرکاری اداروں کے بورڈز کی تشکیلِ نو اور تقرریوں کی منظوری دے دی۔
پاکستان ری انشورنس کمپنی اور اسٹیٹ لائف کے بورڈ آف ڈائریکٹرز کی تشکیلِ نو کی منظوری دی گئی، اجلاس میں آگنائٹ کمپنی کے بورڈ میں نئے اراکین کی تقرری کی بھی منظوری دی گئی۔
اجلاس میں وزارتِ صنعت کو مورافکو انڈسٹریز کے انضمام پر تفصیلی تجاویز پیش کرنے کی ہدایت دی گئی۔
کمیٹی نے پی ٹی ڈی سی کے خاتمے سے متعلق سابقہ فیصلے پر نظرِ ثانی کی درخواست پر غور کیا۔
وزارتِ خزانہ کے مطابق کمیٹی میں سیاحت کے لیے سینٹر آف ایکسیلینس کے قیام کی تجویز پر غور کیا گیا۔
کمیٹی نے پی ٹی ڈی سی پر نئی جامع سمری دوبارہ پیش کرنے کی ہدایت کی۔
اعلامیے کے مطابق سرکاری اداروں میں اصلاحات اور رائٹ سائزنگ حکومتی ترجیح قرار دی گئی۔ |
|
Post time 2025-12-16 01:57:15