آسٹریلیا کے شہر سڈنی میں فائرنگ کے واقعے کی تحقیقات جاری ہیں، اس حوالے سے آسٹریلوی حکام نے بھارت کی ایجنسیز سے رابطہ کر لیا ہے۔
بھارتی میڈیا کا کہنا ہے کہ آسٹریلوی حکام نے بھارت کی ایجنسیز سے رابطہ کیا ہے۔
آسٹریلوی وزارتِ داخلہ کے مطابق پولیس کی جوابی کارروائی میں مارے جانے والا 50 سالہ ساجد اکرم 1998ء میں اسٹوڈنٹ ویزا پر آسٹریلیا آیا تھا، اس کا ویزا 2001ء میں شادی کے بعد پارٹنر ویزا میں تبدیل ہوا، اس کا بیٹا نوید اکرم آسٹریلیا میں ہی پیدا ہوا تھا۔
نیتن یاہو کو سڈنی حملہ آور کو قابو کرنیوالے احمد الاحمد کی شناخت سے متعلق وضاحت کرنا پڑ گئی
نیتن یاہو نے عبرانی زبان میں ایک تقریر کے دوران جو انتہائی قوم پرست چینل 14 پر نشر ہوئی، احمد الاحمد کے اقدام کو “یہودی بہادری” قرار دیا۔
دہشت گردی کے اس واقعے میں 10 سال کی بچی سمیت 15 افراد ہلاک ہوئے ہیں۔
واضح رہے کہ سڈنی کے ساحل پر حملے میں ملوث ساجد اکرم کے بھارتی ہونے کا انکشاف ہوا ہے۔
24 سالہ حملہ آور نوید اکرم کے ساتھ کام کرنے والے ایک شخص نے بتایا ہے کہ نوید کے والد ساجد اکرم کا تعلق بھارت سے ہے جبکہ ماں اٹلی کی ہے۔
مذکورہ شخص کا کہنا ہے کہ ہم اس حملے کے بارے میں سوچ بھی نہیں سکتے تھے، ہم اکثر بات کرتے تھے کہ اس کے پاس اسلحے کے لائسنس تھے۔
Post time 2025-12-16 01:57:18
