کراچی کے علاقے ملیر جناح ایونیو کے قریب ڈمپر کی ٹکر سے موٹرسائیکل سوار جاں بحق ہو گیا۔
پولیس کا کہنا ہے کہ ایک موٹرسائیکل پر 3 افراد سوار تھے۔ حادثے میں ایک شخص زخمی بھی ہوا ہے جبکہ ایک شخص محفوظ رہا۔
حکام نے کہا کہ حادثہ ڈمپر اور مسافر کوچ کے درمیان ریس لگانے کے وقت پیش آیا، ڈمپر اور مسافر کوچ ریس لگاتے ہوئے تیز رفتاری سے جا رہے تھے۔
کراچی: ڈمپر کی ٹکر سے موٹرسائیکل سوار ایف آئی اے کا اہلکار جاں بحق
ریسکیو حکام کے مطابق جاں بحق شخص ایف آئی اے کا اہلکار ہے۔
پولیس کا کہنا تھا کہ کوچ نے کار سوار کو ٹکر ماری اور ڈمپر نے موٹر سائیکل کو کچل دیا، ڈمپر کو تحویل میں لیا ہے، کوچ کا ڈرائیور فرار ہو گیا ہے، مسافر کوچ کو پکڑنے کے لیے کارروائی کی جارہی ہے۔
حکام نے کہا کہ کوچ کی ٹکر سے گاڑی کو نقصان پہنچا ہے جبکہ گاڑی کا ڈرائیور محفوظ ہے۔ کراچی: رواں سال ہیوی گاڑیوں کی ٹکر سے 249 افراد جاں بحق
پولیس حکام کے مطابق کراچی میں رواں سال ہیوی گاڑیوں کی ٹکر سے 249 افراد جاں بحق ہوئے ہیں۔ شہر میں رواں سال مختلف ٹریفک حادثات میں 819 افراد جاں بحق ہوئے ہیں۔
حکام کا کہنا تھا کہ کراچی میں رواں سال مختلف ٹریفک حادثات میں 11 ہزار 715 افراد زخمی ہوئے ہیں۔
Post time 2025-12-16 16:15:11
—فائل فوٹو 
