نیو یارک کے میئر ظہران ممدانی کی والدہ نے بیٹے کی بالی ووڈ سے گہری وابستگی پر دلچسپ انکشافات کردیے۔
نیو یارک کے نو منتخب میئر ظہران ممدانی کا بالی ووڈ اور سینما سے تعلق کسی سے ڈھکا چھپا نہیں اور اس کی ایک بڑی وجہ ان کی والدہ عالمی شہرت یافتہ فلم ساز میرا نائر ہیں۔
حال ہی میں دیے گئے ایک انٹرویو میں میرا نائر نے اپنے بیٹے کی فلموں سے محبت، اس کی شخصیت اور خاندان پر اس کے اثرات سے متعلق دلچسپ باتیں شیئر کیں۔
میرا نائر کا کہنا تھا کہ ظہران ممدانی بچپن میں بالی ووڈ فلموں کے بے حد شوقین رہے ہیں، انہوں نے کلاسک بھارتی فلم ’منّا بھائی ایم بی بی ایس‘ اپنے نانا کے ساتھ 16 بار دیکھی اور یہ فلم ان کے لیے بچپن کی سب سے پسندیدہ فلم رہی ہے، اس کے علاوہ زویا اختر کی فلم ’لک بائے چانس‘ بھی ان کی پسندیدہ فلموں میں شامل ہے۔
نیو یارک کے نئے میئر ظہران ممدانی پراسرار تاریخی قلعے میں منتقل
نیویارک نیو یارک کے نئے میئر ظہران ممدانی تاریخی Gracie...
انٹرویو کے دوران میرا نائر نے اپنے کیریئر کے ایک اہم موڑ کا ذکر بھی کیا، انہوں نے بتایا کہ جب مجھے ہالی ووڈ کی مشہور فلم سیریز ’ہیری پوٹر‘ کی ہدایت کاری کی پیشکش ہوئی تو میں اس بات پر تذبذب کا شکار تھی۔
میرا نائر کے مطابق اس وقت ظہران کی عمر صرف 14 سال تھی، مگر اس نے نہایت دانشمندی سے مشورہ دیا کہ ماں، ہیری پوٹر بہت سے اچھے ہدایت کار بنا سکتے ہیں، مگر ’دی نیم سیک‘ صرف آپ ہی بنا سکتی ہیں، اس مشورے نے مجھے واضح فیصلہ کرنے میں مدد دی۔
میرا نائر نے ظہران ممدانی کو اپنی سیریز ’اے سوٹیبل بوائے‘ میں مرکزی کردار کی پیشکش بھی کی، مگر ظہران نے یہ پیشکش قبول کرنے سے انکار کر دیا۔
Post time 2025-12-17 15:39:24
فائل فوٹو 
