مارول اسٹوڈیوز کی مشہور سیریز ’ایونجرز‘ کے نئے سیکیوئل’ایونجرز: ڈومز ڈے‘ کا ٹیزر لیک ہو گیا۔
بین الاقوامی میڈیا کی رپورٹ کے مطابق مارول اسٹوڈیو فلم ’ایونجرز: ڈومز ڈے‘ کے کئی ٹیزر ریلیز کرے گا، یہ ٹیزرز فلم کے ان تمام کرداروں پر مشتمل ہوں گے جو ’ایونجرز: اینڈ گیم‘ کے اختتام پر ریٹائر ہونے کے باوجود دوبارہ ایکشن میں نظر آئیں گے۔
سوشل میڈیا پر لیک ہونے والے خراب کوالٹی کے ٹیزر میں اسٹیو راجرز موٹر سائیکل سے اتر کر ایک گھر میں داخل ہوتے اور ایک بچے کو پیار کرتے نظر آئے۔ فوٹو کولاج — سوشل میڈیا
اس کے علاوہ، ٹیزر میں ایک روبوٹک بازو زخمی ٹونی اسٹارک کا علاج کرتے نظر آیا۔ فوٹو — سوشل میڈیا
اس ویڈیو کی کوالٹی خراب ہونے کی وجہ سے اس کی تصدیق کرنا مشکل ہے اور کچھ سوشل میڈیا صارفین کو یہ شک ہے کہ لیک ہونے والا فلم کا یہ ٹیزر اے آئی کی مدد سے تیار کردہ اور جعلی بھی ہوسکتا ہے۔
البتہ، متعدد میڈیا رپورٹس میں یہ بات بھی سامنے آئی ہے کہ مارول اسٹوڈیوز کی جانب سے فلم کی سوشل میڈیا پر وائرل ویڈیوز کو DMCA اسٹرائیکس بھیجی گئی ہیں یعنی ممکن ہے کہ فلم کا ٹیزر واقعی لیک ہوا ہے۔
Post time 2025-12-17 21:30:20
— فائل فوٹو 
فوٹو کولاج — سوشل میڈیا 
فوٹو — سوشل میڈیا