وفاقی وزیرِ اطلاعات و نشریات عطاء اللّٰہ تارڑ—فائل فوٹو
وفاقی وزیرِ اطلاعات و نشریات عطاء اللّٰہ تارڑ کا کہنا ہے کہ ہمیں ملکی ترقی اور امن کے لیے متحد ہونا ہو گا، اقلیتوں کے حقوق کا تحفظ حکومت کی ترجیح ہے۔
اسلام آباد میں نیشنل پریس کلب میں تقریب سے خطاب کرتے ہوئے انہوں نے کہا کہ اقلیتی برادری کا ملکی تعمیر و ترقی میں اہم کردار ہے۔
سڈنی واقعے پر پاکستان کو بدنام کرنے کی مذموم کوشش کی گئی: عطا تارڑ
انہوں نے کہا کہ کچھ ممالک کے میڈیا نے غلط رپورٹنگ کی، مستند چینلز کے ڈس انفارمیشن کا حصہ بننے پر افسوس ہے۔ خبر کی تصدیق سے متعلق صحافتی اقدار کو فراموش کیا گیا۔
عطاء اللّٰہ تارڑ نے کہا کہ اقلیتی برادری ہر شعبے میں خدمات سر انجام دے رہی ہے، کرسمس کی تقریب میں شرکت میرے لیے اعزاز ہے۔
وفاقی وزیرِ اطلاعات و نشریات نے یہ بھی کہا کہ میرے حلقے میں کرسمس کی تقریبات کی تیاری زور و شور سے جاری ہے، پاکستان میں تمام اقلیتوں کو برابری کے حقوق حاصل ہیں۔
Post time 2025-12-17 22:09:06
وفاقی وزیرِ اطلاعات و نشریات عطاء اللّٰہ تارڑ—فائل فوٹو 
