چین نے کہا ہے کہ امریکا نے ون چائنا اصول کی سنگین خلاف ورزی کی ہے، تائیوان کو امریکی اسلحہ بیچنا آبنائے تائیوان میں امن و استحکام کے لیے شدید نقصاندہ ہوگا۔
امریکا کی جانب سے تائیوان کو اسلحہ فروخت کرنے پر ردعمل دیتے ہوئے چینی وزارت خارجہ کے ترجمان نے کہا کہ چین تائیوان کو اسلحہ فروخت کے امریکی اقدام کی سخت مخالفت اور مذمت کرتا ہے۔
امریکا کی تائیوان کو ہتھیار فروخت کرنے کی منظوری
وزارت خارجہ کے مطابق تائیوان کو ہتھیاروں کی ایک بار پھر فروخت تائیوان کی سلامتی کے لیے امریکا کے پختہ عزم کو ظاہر کرتی ہے۔
چینی وزارت خارجہ نے کہا کہ امریکا تائیوان کو مسلح کرنے کا خطرناک اقدام فوری طور پر روکے، امریکا اپنے رہنما کی طرف سے کیے گئے وعدے پر عمل درآمد کرے۔
واضح رہے کہ ٹرمپ انتظامیہ نے تائیوان کو 11 ارب ڈالر کے ہتھیار فروخت کرنے کی منظوری دے دی ہے۔
تائیوان کی وزارت خارجہ نے اپنے بیان میں کہا کہ ہتھیاروں میں راکٹ سسٹم، توپیں، اینٹی ٹینک میزائل، ڈرون اور دیگر آلات شامل ہیں۔
Post time 2025-12-18 20:54:15
--فائل فوٹو 
