میسی کی آمد پر بد نظمی، گنگولی کا صدر ارجنٹینا فین کلب کیخلاف 50 کروڑ کا ہتک عزت کا دعویٰ

slotcosino · Post time 2025-12-19 00:48:22

—فوٹو بشکریہ بھارتی میڈیا

بھارتی کرکٹ ٹیم کے سابق کپتان اور کرکٹ ایسوسی ایشن آف بنگال （سی اے بی） کے صدر سارو گنگولی نے کولکتہ کے ارجنٹینا فین کلب کے صدر اُتم ساہا کے خلاف 50 کروڑ روپے ہرجانے کا ہتکِ عزت کا مقدمہ دائر کر دیا۔

یہ قانونی کارروائی لیونل میسی کے حالیہ کولکتہ دورے کے دوران بھارتی اسٹیڈیم میں پیش آنے والے بدانتظامی کے واقعے سے متعلق الزامات کے بعد کی گئی ہے۔

سارو گنگولی نے اپنی شکایت میں کہا ہے کہ اُتم ساہا کے عوامی بیانات نے ان کی ساکھ کو شدید نقصان پہنچایا ہے اور یہ الزامات کسی بھی ٹھوس ثبوت کے بغیر لگائے گئے۔

کولکتہ: سارو گنگولی رکنے کی درخواست کرتے رہے، لیونل میسی نہیں رکے

ارجنٹائن کے اسٹار فٹبالر لیونل میسی نے کولکتہ میں بھارتی کرکٹ ٹیم کے سابق کپتان سارو گنگولی کی اسٹیڈیم میں مزید ٹھہرنے کی درخواست مسترد کر دی اور حیدرآباد روانہ ہو گئے۔

گنگولی کے مطابق یہ بیانات جھوٹے، بدنیتی پر مبنی، توہین آمیز اور ہتک آمیز ہیں، جن کا مقصد جان بوجھ کر ان کی شہرت کو متاثر کرنا تھا۔

اُتم ساہا نے الزام لگایا تھا کہ سارو گنگولی نے میسی کے ایونٹ کے منتظم ستادرو دتہ کے ساتھ بطور ’درمیانی کردار‘ کام کیا، جس کی گنگولی نے سختی سے تردید کی ہے۔

سارو گنگولی نے واضح کیا کہ وہ اس پروگرام میں صرف ایک مہمان کی حیثیت سے شریک تھے اور ان کا ایونٹ کے انتظامات یا میسی پروگرام سے کوئی سرکاری تعلق نہیں تھا۔

لیونل میسی کولکتہ اسٹیڈیم میں الجھن کا شکار نظر آئے

ارجنٹائن کے اسٹار فٹبالر لیونل میسی اپنے دورۂ بھارت میں بدنظمی کے باعث الجھن کا شکار نظر آئے، جس کی وجہ سے 22 منٹ میں ہی تقریب ختم کرنا پڑ گئی۔

ان کے وکلاء نے اُتم ساہا کو قانونی نوٹس بھی بھیج دیا ہے جس میں الزامات واپس لینے اور ہرجانہ ادا کرنے کا مطالبہ کیا گیا ہے۔

واضح رہے کہ 13 دسمبر کو میسی کی کولکتہ کے اسٹیڈیم میں آمد کا پروگرام ناقص انتظامات اور ہجوم پر قابو نہ پانے کے باعث بدانتظامی کا شکار ہو گیا تھا، جس کے بعد ایونٹ کے مرکزی منتظم ستادرو دتہ کو پوچھ گچھ کے لیے حراست میں لیا گیا۔

اس واقعے پر مغربی بنگال کی وزیرِ اعلیٰ ممتا بنرجی نے بھی سوشل میڈیا پر معذرت کرتے ہوئے شائقین اور لیونل میسی سے افسوس کا اظہار کیا تھا۔

		Remember me	Forgot password?
Password			立即注册

میسی کی آمد پر بد نظمی، گنگولی کا صدر ارجنٹینا فین کلب کیخلاف 50 کروڑ کا ہتک عزت کا دعویٰ

Related threads