|
|
—تصویر بشکریہ سوشل میڈیا
ایک امریکی اخبار نے دعویٰ کیا ہے کہ امریکا میں غیرملکی نژاد امریکیوں کی شہریت منسوخ کرنے کی تیاریاں تیز ہو گئی ہیں۔
اس حوالے سے ٹرمپ انتظامیہ نے یو ایس سٹیزن اینڈ امیگریشن سروسز کو ہدایات جاری کر دی ہیں۔
امریکی اخبار کی رپورٹ کے مطابق وزارتِ انصاف کو ہر ماہ شہریت منسوخی کے 100 سے 200 کیسز دین ےکی ہدایت کی گئی ہے۔
امریکی وزارتِ انصاف کے مطابق 2017ء سے اب تک شہریت منسوخی کے 120 کیسز ملے ہیں، امریکا میں شہریت لینے والوں کی تعداد 2 کروڑ 60 لاکھ افراد تک پہنچ چکی ہے۔
محکمۂ شماریات کے مطابق گزشتہ سال 8 لاکھ غیر ملکیوں نے امریکی شہریت حاصل کی تھی، شہریت لینے والوں کا تعلق میکسیکو، بھارت، فلپائن، ڈومینیکن ریپبلک اور ویتنام سے تھا۔
اخبار کی رپورٹ کے مطابق 2018ء میں وزارتِ انصاف کو شہریت منسوخی کے 90 کیسز موصول ہوئے، 2024ء میں 13 کیسز رجسٹرڈ ہوئے اور 8 میں شہریت منسوخ کر دی گئی تھی۔
امریکی اخبار کا کہنا ےہ کہ صدر ڈونلڈ ٹرمپ کے پہلے دور میں بھی شہریت منسوخی نے زور پکڑ لیا تھا۔ |
|
Post time 2025-12-19 02:06:12