وزیرِ اعظم شہباز شریف کا کہنا ہے کہ شہروں اور قصبوں سے تجاوزات کا خاتمہ کرنا ہو گا۔
اسلام آباد میں اقبال فلائی اوور ایکسپریس وے سگنل فری کوریڈور کی افتتاحی تقریب سے خطاب میں انہوں نے کہا کہ تجاوزات کا خاتمہ کرنے تک شہروں اور قصبوں کی ڈیزائننگ اور انفرااسٹرکچر بہتر نہیں ہو گا۔
وزیراعظم شہباز شریف نے واضح کیا کہ مسائل حل کرنے کے لیے تجاوزات کا خاتمہ ضروری ہے، عام آدمی کی سہولت کے لیے ایسے منصوبے اہمیت کے حامل ہیں، سفر کی بہترین سہولتیں خوش آئند ہیں۔
معرکہ حق میں سکھایا سبق مودی سرکار کبھی نہیں بھولے گی: وزیرِ اعظم شہباز شریف
وزیرِ اعظم شہباز شریف کا کہنا ہے کہ معرکۂ حق میں مودی سرکار کو وہ سبق سکھایا ہے جو وہ کبھی نہیں بھولے گی، قوم کی دعاؤں سے جنگ میں اللّٰہ تعالیٰ نے پاکستان کو فتح دلائی، بھارت یہ شکست کبھی فراموش نہیں کر سکے گا۔
انہوں نے اس موقع پر وفاقی وزیرِ داخلہ محسن نقوی کو خراجِ تحسین پیش کیا۔
وفاقی وزیرِ داخلہ محسن نقوی نے اپنے خطاب میں کہا کہ 2 سال بعد آپ کو ایک نیا اسلام آباد دیکھنے کو ملے گا، منصوبوں میں شفافیت کو یقینی بنا رہے ہیں، اسلام آباد کی ترقی کے لیے ویژن 2027ء پر عمل کر ر ہے ہیں۔
انہوں نے بتایا کہ اسلام آباد میں اقبال چوک فلائی اوور پراجیکٹ صرف 77 روز کی ریکارڈ مدت میں مکمل کیا گیا، پراجیکٹ کے اطراف 3 ہزار نئے پودے اور درخت لگا دیے گئے۔
Post time 2025-12-19 02:45:13
