بھارت اور جنوبی افریقا کے درمیان چوتھا ٹی ٹوئنٹی میچ منسوخ ہونے کے بعد کرکٹ فینز کے مطالبے پر ٹکٹوں کے پیسے واپس دینے کا فیصلہ کیا گیا ہے۔
اتر پردیش کرکٹ ایسوسی ایشن نے ٹکٹوں کے پیسے ری فنڈ کرنے کی تصدیق کرتے ہوئے کہا ہے کہ اسٹیڈیم میں آنے والے تمام کرکٹ فینز کو ٹکٹوں کے پیسے واپس ملیں گے۔
یو پی کرکٹ ایسوسی ایشن کے سیکریٹری پریم منوہر کا کہنا ہے کہ آن لائن بکنگ کرانے والے فینز کو ٹکٹوں کے ری فنڈ کے لیے اِی میل کے ذریعے اطلاع دی جائے گی۔
دھند کے باعث جنوبی افریقہ بھارت میچ منسوخ، فینز کا رقم واپسی کا مطالبہ
لکھنو میں بھارت اور جنوبی افریقہ کا چوتھا ٹی ٹوئنٹی میچ حد نگاہ کم ہونے کے باعث ختم کیا گیا
پریم منوہر نے کہا کہ ٹکٹوں کے ری فنڈ کے لیے تمام گائیڈ لائنز جاری کردی گئی ہیں۔
یاد رہے کہ بھارت اور جنوبی افریقا کے درمیان لکھنؤ میں شیڈول چوتھا ٹی ٹوئنٹی میچ شدید دھند اور اسموگ کے باعث حدِ نگاہ انتہائی کم ہونے کے سبب منسوخ کر دیا گیا تھا۔
میچ ختم ہونے پر کرکٹ فینز نے برہمی کا اظہار کرتے ہوئے بھارتی کرکٹ بورڈ （بی سی سی آئی） سے رقم کی واپسی کا مطالبہ کیا تھا۔
Post time 2025-12-19 17:03:04
فوٹو: کرک انفو 
