|
|
 — فائل فوٹو
جدید ٹیکنالوجی کے موجودہ دور میں موبائل فون انسان کی زندگی کا ایک اہم حصہ بن گیا ہے اور جس کے پاس موبائل فون ہے تو اس میں یقیناََ سم کارڈ بھی ہوگا۔
سم کارڈ موبائل فون کو نیٹ ورک سے کنکٹ ہونے اور دیگر افراد کو کالز کرنے میں مدد فراہم کرتا ہے۔
اگر یہ سوال سب کے ذہن میں نا بھی آیا ہو مگر کچھ لوگوں کے ذہن میں تو ضرور آیا ہوگا کہ آخر سم （SIM） کن الفاظ کا مخفف ہے؟
یہاں آج اس سوال کا جواب جان لیتے ہیں، سم （SIM） دراصل ’سبسکرائبر آئیڈنٹی موڈیول‘ کا مخفف ہے۔
دنیا کا پہلا سم کارڈ 1991ء میں سامنے آیا تھا، اس کارڈ میں صارف کے بارے میں مخصوص تفصیلات موجود ہوتی ہیں جن سے نیٹ ورک کو انفرادی سبسکرائبرز کی شناخت کرنے میں مدد ملتی ہے۔
سم کارڈ کو جی ایس ایم （گلوبل سسٹم فار موبائل کمیونیکیشنز） ٹیکنالوجی کے ساتھ تیار کیا گیا۔
ابتداء میں اس کارڈ کا حجم ایک کریڈٹ کارڈ جتنا ہوتا تھا جو وقت کے ساتھ ساتھ چھوٹا ہوتا گیا اور اب نینو سم کارڈز زیادہ عام ہیں بلکہ موجودہ دور میں تو ای سمز کا بھی استعمال ہو رہا ہے۔ |
|
Post time 2025-12-19 21:36:17