بونڈی بیچ پر فائرنگ کے دوران بہادری سے حملہ آور کو دبوچنے والے احمد الاحمد کو علاج کے لیے کمیونٹی کی جانب سے 25 لاکھ آسٹریلوی ڈالر کے عطیات موصول ہوئے ہیں۔
سوشل میڈیا پر وائرل ہونے والی ویڈیو میں ایک یوٹیوبر کو اسپتال میں احمد الاحمد سے ملاقات کرتے اور اِنہیں یہ رقم پیش کرتے دیکھا جا سکتا ہے۔
احمد الاحمد نے اپنی جان خطرے میں ڈال کر بونڈی بیچ پر ہونے والی جان لیوا فائرنگ کو روکنے میں اہم کردار ادا کیا تھا جس واقعے میں 15 افراد ہلاک ہوئے تھے۔
حملہ آور کو قابو میں کرنے کی کوشش کے دوران احمد خود بھی دو گولیاں لگنے کے سبب زخمی ہوا جس کے بعد اِن کے بازو اور ہاتھ کی سرجری کی گئی۔
سڈنی دہشتگردی، آسٹریلوی وزیراعظم احمد الاحمد سے ملنے اسپتال پہنچ گئے
آسٹریلین وزیرِ اعظم سڈنی بیچ پر حملہ آور پر جھپٹنے والے مسلمان احمد ال احمد کی عیادت کے لیے اسپتال پہنچ گئے۔
احمد کی بہادری کو خراجِ تحسین پیش کرنے کے لیے آسٹریلیا کے وزیرِ اعظم نے بھی اسپتال میں اِن سے ملاقات کی تھی اور انہیں ’انسانیت کی طاقت‘ اور ’آسٹریلیا ملک کی بہترین مثال‘ قرار دیا تھا۔
واضح رہے کہ بونڈی بیچ میں فائرنگ کے واقعے میں 15 افراد ہلاک اور 19 زخمی ہو گئے تھے۔
Post time 2025-12-19 21:36:19
